ગુજરાત પર કુદરતની મહેર છે એટલું જ નહીં પણ ઐતિહાસીક જગ્યાઓ અને અભ્યારણ્યો, સફેદ રણ સૌથી લાંબો દરિયા કિનારો હોવા છતાં પ્રવાસન ક્ષેેત્રે ગુજરાતનો નંબર છેક 12મો છે.
કેન્દ્રીય ટૂરિઝમ વિભાગે જાહેર કર્યા આકડા
માર્કેટ રિસર્ચ એન્ડ સ્ટેટિસ્ટિક્સ દ્વારા બહાર પાડવામાં આવ્યા આકડા
ટૂરિઝમ ક્ષેત્રે ગુજરાત દેશમાં 12 ક્રમે
ગુજરાત રાજ્ય પાસે પર્યટકોને આકર્ષી શકે એવાં અનેક સ્થળો હોવા છતાં પણ વિદેશી પ્રવાસીઓને આકર્ષવામાં રાજ્ય નિષ્ફળ રહ્યું છે. કેન્દ્રીય ટૂરિઝમ વિભાગના માર્કેટ રિસર્ચ એન્ડ સ્ટેટિસ્ટિક્સ દ્વારા બહાર પાડયા છે. તે પ્રમાણે 2019માં ગુજરાતમાં 5,95,607 વિદેશી પર્યટકો આવ્યા હતા.
ગુજરાત 12મા સ્થાને
2019માં અન્ય રાજ્યોની સરખામણીએ જોઇએ તો વિદેશી પ્રવાસીઓને આકર્ષવામાં ગુજરાત 12મા સ્થાને છે. દેશમાં સૌથી વધુ વિદેશી પ્રવાસી તામિલનાડુમાં આવ્યા છે.
તમિલનાડુ અને મહારાષ્ટ્રમાં 2 કરોડથી વધુ વિદેશી પ્રવાસી
છેલ્લાં પાંચ વર્ષના આંકડા જોઇએ તો ગુજરાતમાં 21 લાખ 86 હજાર 298 વિદેશી પ્રવાસીઓએ મુલાકાત લીધી છે. જ્યારે આ જ સમયગાળામાં તમિલનાડુ અને મહારાષ્ટ્રમાં 2 કરોડથી વધુ વિદેશી પ્રવાસી મુલાકાતે આવ્યા હતા.
ગુજરાતમાં જોવાલાયક સ્થળો
ગુજરાતમાં અનેક જોવાલાયક સ્થળો છે. ગીરનું સિંહ અભયારણ્ય, કચ્છનું સફેદ રણ, ધોળાવીરા, લોથલ, સોમનાથ જ્યોતિર્લિંગ, દ્વારકા, અંબાજી, પાવાગઢ સહિતનાં શક્તિપીઠ, ડાંગ, પોલો ફોરેસ્ટ જેવા કુદરતી સૌંદર્યના ખજાના, રાણીકી વાવ, હેરિટેજ સિટી અમદાવાદ સહિતનાં અનેક ઐતિહાસિક સ્થળો આવેલા છે.
સૌથી લાંબો દરિયાકિનારો
દેશનો સૌથી લાંબો દરિયાકિનારો તથા અનેક નાના-મોટા બીચ કે જ્યાં કુદરતી સૌંદર્ય તમને રોકી લે તેવા છે છતાં પણ વિદેશી પ્રવાસીઓમાં ગુજરાતનાં આ સ્થળોની મુલાકાત કરવા પ્રત્યે એક ઉદાસીનતા જોવા મળી રહી છે.