ગુજરાત એક્સપોર્ટ / નીતિ આયોગના ઍક્સપોર્ટ તૈયારીના ઈન્ડેક્સમાં ગુજરાત ટૉપ પર, મહારાષ્ટ્ર અને તામિલનાડુને પછાડ્યું

• નીતિ આયોગના નિકાસ તૈયારી ઇંડેક્સમાં ગુજરાત ટોપ પર 
• મહારાષ્ટ્ર અને તમિલનાડુ બીજા અને ત્રીજા સ્થાન પર 
• નીતિ આયોગ દેશને માટે સમર્પિત સર્વોચ્ચ થિંકટેન્ક છે

યોજના આયોગને સમાપ્ત કરી નાખ્યા બાદ નીતિ આયોગે તેનું સ્થાન લીધું છે. હાલમાં નીતિ આયોગ દેશમાં એક સ્પર્ધાત્મક ઇકોસિસ્ટમ વિકસાવવા પર ધ્યાન દઈ રહ્યું હોય તેવુ લાગી રહ્યું છે. ભારતના ભિન્ન ભિન્ન રાજ્યોની વચ્ચે સ્પર્ધાત્મક વાતાવરણ ઊભું થાય અને તેઓ તેમનું બેસ્ટ આપવા માટે ઉત્સુક બને તે માટે નીતિ આયોગ દ્વારા વિભિન્ન ઇંડેક્સનો પ્રારંભ કરવામાં આવ્યો છે. તેવા એક નિકાસ તૈયારી સૂચકાંકમાં ગુજરાત દેશભરમાં પ્રથમ ક્રમે રહ્યું છે.

ગુજરાત નીતિ આયોગના નિકાસ તૈયારી સૂચકાંક 2020માં દેશ ભરમાં ટોચ પર છે, જ્યારે અન્ય દેશના અન્ય વિકસિત રાજ્યો જેવા કે મહારાષ્ટ્ર અને તમિલનાડુ અનુક્રમે બીજા ને ત્રીજા નંબર પર છે. હાલ કોરોના સંકટના લીધે જ્યાં આર્થિક ક્રિયાઓ પર બ્રેક લાગી ગઈ છે, ત્યારે આવ ઇંડેક્સ દેશમાં ફરી આર્થિક ક્રિયાઓને એક ધક્કો મળે તેવો સરકારનો પ્રયાસ હોઈ શકે છે. 

શું કહ્યું નીતિ આયોગના CEO અમિતાભ કાંતે?

નીતિ આયોગના આ અહેવાલ લોકાર્પણ પ્રસંગે, આયોગના CEO અમિતાભ કાંતે જણાવ્યું હતું કે લાંબા ગાળે આર્થિક વિકાસ માટે નિકાસમાં ઝડપી વૃદ્ધિ ખૂબ જ મહત્વપૂર્ણ છે. તેમણે કહ્યું કે એક અનુકૂળ ઇકોસિસ્ટમ દેશને વૈશ્વિક સપ્લાય ચેઇન અને ઇન્ટિગ્રેટેડ પ્રોડક્શન નેટવર્કમાંથી મહત્વપૂર્ણ લાભ મેળવવા સક્ષમ બનાવશે. 

આ સૂચકાંક અને આવા અન્ય ઘણા ઇંડેક્સ છે જે દેશને એક સ્પર્ધાત્મક ઇકોસિસ્ટમમાં કન્વર્ટ કરવામાં મદદરૂપ બને છે.