ગુજરાત વિકાસમાં ભલે પહેલા નંબરે હોવાનો દાવો કરતા હોય. આજે એક રિપોર્ટ એવો બહાર આવ્યો છે જેમાં ગુજરાત અને દિલ્લી સરકારની ઉંઘ ઉડી જશે. નક્લી નોટ ક્યાથી કેટલી પકડાઈ તે અંગેના રિપોર્ટમાં ગુજરાત પહેલા નંબરે જયારે બીજા નંબરે દિલ્હીનો નંબર આવ્યો છે.
એક રિપોર્ટે 2 રાજ્યની સરકારની ઉંઘ કરી હરામ
બે રાજ્યોમાં દેશભરની 57 ટકા નકલી નોટ પકડાઈ
રાજ્ય સરકાર પગલા લેશે ?
આ બે રાજ્યોમાં દેશભરની 57 ટકા નકલી નોટ પકડાઈ છે. જે ખરેખર સરકારી તંત્ર માટે ખુબ જ શરમજનક કહેવાય કે તેઓ આ નક્લી નોટના નેટવર્કને નાથવામાં નાકામીયાબ રહ્યા છે.
નોંધનીય છે કે, ગુજરાત હવે ધીરેધીરે નકલી નોટનું હબ બની ગયું છે. 2017માં દેશભરમાંથી જપ્ત કરાયેલી નક્લી નોટમાં સૌથી વધારે 32 ટકા નોટો તો ગુજરાતમાંથી પકડાઈ છે. જેની રકમ 9 કરોડથી વધારે હતી. જયારે બીજા નંબર પર દેશની રાજધાની દિલ્હી છે. ભારતભરમાંથી પકડાયેલી નક્લી નોટમાં ગુજરાત અને દિલ્લીમાંથી 50 ટકા નોટો પકડાઈ છે.
રાજ્ય સરકાર માટે શરમજનક બાબત
જે ખરેખર આ બંને રાજ્યો અને તેની સરકારો માટે શરમજનક બાબત છે. નોટબંધી કર્યા બાદ આ પહેલો રિપોર્ટ છે જે જાહેર કરાયો છે જેમાં નક્લી નોટના રેકેટમાં ગુજરાત પ્રથમ નંબરે છે. NCRBએ 2016થી પહેલીવાર નક્લી નોટ મામલે પોતાની રિપોર્ટ બનાવવાની શરૂઆત કરી હતી.
2017માં 28.1 કરોડની નોટ જપ્ત કરાઈ
નવેમ્બર 2016માં દેશમાં 500 અને 1000ની નોટનું ચલણ બંધ કરાયું હતું. ત્યારે નક્લી નોટ જે પકડાઈ હતી તેનો આંકડો બહાર કરાયો હતો તે, પ્રમાણે 2017માં 28.1 કરોડની નોટ જપ્ત કરાઈ હતી. 2016માં નક્કી નોટ જપ્ત કરાઈ હતી તેની કિંમત 15.9 કરોડ હતી અને તેની સરખામણીમાં 76 ટકાનો વધારો 2017માં જોવા મળ્યો છે.
ગુજરાત અને દિલ્હીમાંથી ઝડપાઇ નકલી નોટો
2017 દરમિયાન દેશભરમાંથી અલગ અલગ ચલણની નક્લી નોટ પકડાઈ હતી અને તેની કિંમત 28 કરોડથી વધારે હતી. ચોંકાવનારી વાત એ હતી કે આ નોટમાં મોટાભાગની ગુજરાત અને દિલ્હીમાંથી જપ્ત કરાઈ છે.
સરકારની ઉંઘ થશે હરામ ?
તાજેતરમાં પ્રાપ્ત થયેલા આ રિપોર્ટ મુજબ સ્પષ્ટ થાય છે કે, નકલી નોટ બનાવવામાં તમામ રાજ્યોના ગુનેગારો અલગ-અલગ નીતિ વાપરતા હતા. નકલી નોટ મામલે ભારતીય કાયદા પ્રમાણે કલમ 489 અંતર્ગત ગુનો દાખલ કરવામાં આવે છે. આ ગુનો દેશદ્રોહ અંતર્ગત આજીવન કેદની સજા ફરમાવવામાં આવે છે. હાલ આ રિપોર્ટ જોઇને દિલ્હી અને ગુજરાત સરકારની ઉંઘ હરામ થશે તે નક્કી છે.