IPL ફ્રેન્ચાઇઝી ગુજરાત ટાઇટન્સએ શનિવારે એક ટ્વીટ કર્યું છે, જેના કારણે શુભમન ગિલ વચ્ચેના સંબંધોનો અંત આવવાની શંકા થવા લાગી છે.
ગુજરાત ટાઇટન્સે ચાલુ વર્ષે પ્રથમવાર IPL માં પ્રવેશ કર્યો
ગુજરાત ટાઇટન્સ ટીમમાં રમી રહેલા ગિલ સાથે સબંધ તોડ્યો
ફ્રેન્ચાઇઝીએ ટ્વીટ કરીને જણાવ્યું આગળની સફર માટે શુભેચ્છા
ગુજરાત ટાઇટન્સે ચાલુ વર્ષે પહેલી વખત ઈન્ડિયન પ્રીમિયર લીગમાં પ્રવેશ કર્યો હતો અને હાર્દિક પંડયાની કેપ્ટન્સી હેઠળની આ ટીમ પ્રથમ વખત ટાઈટલ જીતવામાં સફળ રહી હતી. આઇપીએલ-2022માં આ ટાઇટલ જીતમાં ગુજરાતના યુવા બેટ્સમેન શુબમન ગિલની મોટી ભૂમિકા હતી અને એવી આશા રાખવામાં આવી રહી હતી કે, આ ફ્રેન્ચાઇઝી ગિલને સાથે રાખશે, પરંતુ ફ્રેન્ચાઇઝીએ શનિવારે એક ટ્વીટ કર્યું છે, જેના કારણે બંને વચ્ચેના સંબંધોનો અંત આવવાની શંકા થવા લાગી છે.
ગુજરાતે ગિલ સાથે સબંધ તોડ્યા ?
ગુજરાતે શનિવારે સાંજે એક ટ્વીટ કર્યું હતું, જેમાં ગિલ સાથેના તેના સંબંધો કાપી નાખ્યા હોય તેવું લાગી રહ્યું છે. ગિલે આ ટ્વીટને રિટ્વીટ પણ કર્યું છે. ગુજરાતે ટ્વિટ કરીને લખ્યું, "આ યાત્રા યાદગાર રહી છે. અમે તમને નવા પ્રયાસ માટે શુભેચ્છા પાઠવીએ છીએ શુભમન ગિલ.
લોકો મૂંઝવણમાં મૂકાયા
ગુજરાતની આ ટ્વિટથી લાગી રહ્યું છે કે, ફ્રેન્ચાઇઝીએ ગિલ સાથેના સંબંધો તોડવાનું મન બનાવી લીધું છે અને ગિલને અન્ય ફ્રેન્ચાઇઝીને સોંપવાની તૈયારી કરી લીધી છે. આ સાથે જ ગિલે તેને રીટ્વીટ કરી છે, જેને પણ લાગ્યું કે જો આવું હોય તો ગિલે પણ આ નિર્ણય સ્વીકારી લીધો છે અને તે સંમતિથી ટીમ છોડવા તૈયાર છે. આ કેસની વાસ્તવિકતા શું છે તે અંગે લાંબા સમયથી મૂંઝવણ હતી. આઇપીએલની ફ્રેન્ચાઈઝીઓ અવારનવાર સોશિયલ મીડિયા પર મૂંઝવણભર્યા કૃત્યો કરતી હોય છે. આઇપીએલ 2022 પહેલા રાજસ્થાન રોયલ્સે સંજુ સેમસનને લઇને કંઇક આવું જ કર્યું હતું. આમ જોવા જઈએ તો કોઈ ટીમ જ્યારે કોઈ ખેલાડી સાથેનો સંબંધ તોડે છે ત્યારે તે સત્તાવાર નિવેદન દ્વારા આ વાતનું સ્પષ્ટ વર્ણન કરે છે, પરંતુ અત્યાર સુધી ગુજરાતમાંથી તે જોવા મળ્યું નથી.
Twitterverse, Gill will always be a part of our 💙
P.S.: It’s not what you think, but we’re loving the theories. Keep it going! 😅
ગુજરાતે મૂંઝવણ દૂર કરી
એક ટ્વીટ પર તેની સાથે ચાહકોને બાંધી રાખનાર ગુજરાતે જોકે લગભગ અઢી કલાક બાદ આ રહસ્ય પરથી પડદો ઉઠાવ્યો હતો અને કહ્યું હતું કે ગિલ ક્યાંય જવાનો નથી અને તે ટીમ સાથે જ રહેશે.