ઓડિયો વાયરલ / રાજ્ય શિક્ષક સંઘના મહામંત્રીનો શિક્ષણ અધિકારીને અપશબ્દો બોલતી કથિત ઑડિયો ક્લિપ વાયરલ

• રાજ્ય શિક્ષક સંઘના મહામંત્રી સતીષ પટેલનો ઓડિયો વાયરલ
• ઓડિયો ક્લીપમાં સતીષ પટેલ બોલી રહ્યા છે અપશબ્દો
• સતીષ પટેલ બાયડના તાલુકા શિક્ષણ અધિકારીને આપે છે ધમકી

પ્રાપ્ત મળતી વિગત અનુસાર રાજ્ય શિક્ષક સંઘના મહામંત્રી સતીષ પટેલનો ઓડિયો વાયરલ થયો હોવાનું સામે આવ્યું છે. જેમાં સતીષ પટેલ અને બાયડના તાલુકા શિક્ષણ અધિકારી વચ્ચે વાતચીત થઇ છે. આ ઓડિયો ક્લીપમાં સતીષ પટેલ બેફામ અપશબ્દો બોલી રહ્યાં હોવાનું સંભળાઇ રહ્યું છે.

રાજ્યના શિક્ષક સંઘના મહામંત્રી સતીષ પટેલ બેફામ અપશબ્દો બોલી રહ્યાં છે. તેઓ બાયડના તાલુકા શિક્ષણ અધિકારીને ધમકી આપી રહ્યાં હોવાનું ઓડિયો ક્લીપમાં સંભળાઇ રહ્યું છે. 

શિક્ષક સંઘના મહામંત્રી સતીષ પટેલે કહ્યું કે ઓર્ડર પર સહી કરતા પહેલા મને કેમ ન પૂછવામાં આવ્યું નહોતું. શિક્ષક સંઘને કોણે આપી આવી સત્તા? 

સળગતા સવાલ 

• શિક્ષક સંઘને કોણે આપી આવી સત્તા ?
• શું શિક્ષણ અધિકારીએ કોઈ કામ કરતા પહેલા શિક્ષક સંઘને પૂછવુ જરૂરી ?
• શિક્ષક સંઘના અધિકારીની આવા બેફામ વાણીવિલાસ કેટલી યોગ્ય ?
• આવા લોકો સામે શુ તંત્ર કોઈ કાર્યવાહી કરશે?