નવેમ્બરમાં સ્થાનિક સ્વરાજની ચૂંટણી યોજાશે જેમાં 7 ન.પાના સિમાંકની કામગીરી શરૂ કરવામાં આવશે અને 16 જિલ્લા પંચાયત અને 29 તાલુકાપંચાયતમાં ફેરફાર કરવામાં આવશે.
નવેમ્બરમાં યોજાશે સ્થાનિક સ્વરાજની ચૂંટણી
7 ન.પાના સિમાંકની કામગીરી શરૂ
16 જિલ્લા પંચાયત અને 29 તાલુકાપંચાયતમાં ફેરફાર
ચૂંટણી મતદાનની સમય મર્યાદા વધારવા વિચારણાં કરવામાં આવી છે. ચૂંટણીના નિયત સમય કરતાં 2 કલાક વધુ સમય માટે વિચારણા ચાલી રહી છે. આ અંગે રાજ્ય ચૂંટણી પંચના સચિવ મહેશ જોષીએ જણાવ્યું હતુ કે, સ્થાનિક સ્વરાજની ચૂંટણી નવેમ્બર માસમાં યોજાશેમતદાન પહેલાંનો 1 કલાક અને પછીનો એક કલાક વધી શકે. 3 થી 4 દિવસમાં વોર્ડ સીમાંકન માટે જાહેરનામુ પ્રસિદ્ધ થશે. નવેમ્બર માસના અંતિમ સપ્તાહમાં મતદાન પ્રક્રિયા યોજાશે.
3 થી 4 દિવસમાં વોર્ડ સીમાંકન માટે જાહેરનામુ પ્રસિદ્ધ થશે
નવા સીમાંકનને લઈને જે ફેરફાર થયો છે. આ અંગે 3 થી 4 દિવસમાં વોર્ડ સીમાંકન માટે જાહેરનામુ પ્રસિદ્ધ થશે. અમદાવાદ, સુરત, વડોદરા, રાજકોટ, ભાવનગરના વોર્ડમાં સીમાંકનને લગતી કામગીરી શરૂ કરી દેવામાં આવી છે. 7 નગરપાલિકના સીમાંકનની કામગીરી હાથધરવામાં આવી છે.
29 તાલુકા પંચાયતમાં ભૌગોલિક ફેરફાર
16 જિલ્લા પંચાયતમાં કમી થયેલા વિસ્તારને લઈ મતદાન મંડળમાં ફેરફાર જોવા મળશે. 29 તાલુકા પંચાયતમાં ભૌગોલિક ફેરફાર થયો છે. આદેશો જાહેર કરીને લોકોના સૂચન લેવામાં આવશે. 7 નવી નગરપાલિકા બૂનાવવાની તૈયારીઓ શરૂ થઈ ગઈ છે.
ગુજરાતમાં 230 તાલુકા પંચાયતો, 31 જિલ્લા પંચાયતો, 56 નગરપાલિકા તેમજ છ મ્યુનિસિપલ કોર્પોરેશનની ચૂંટણીઓ નિર્ધારિત છે. આ ચૂંટણીઓ માટે રાજ્ય ચૂંટણી પંચ સપ્ટેમ્બરમાં નોટિફિકેશન બહાર પાડે તેવી સંભાવના છે, કારણ કે નવેમ્બર અને ડિસેમ્બરમાં તમામ સ્થાનિક ચૂંટણીઓ પૂર્ણ કરવાની થાય છે. આ જ સમયમાં વિધાનસભાની પેટાચૂંટણીઓ પણ આવી શકે છે.