અનાજનું કૌભાંડ / લો બોલોઃ ગરીબોને આપવામાં આવતાં સરકારી અનાજને બારોબાર વેચવાનો કારસો

• સુરેન્દ્રનગરમાં સરકારી અનાજનું કૌભાંડ 
• SOGએ અનાજના જથ્થા સાથે 11 વાહનો ઝડપ્યા
• રેશનકાર્ડમાં અપાતા અનાજનો જથ્થો મળ્યો

સુરેન્દ્રનગરમાં સરકારી અનાજને બારોબાર વેચવાનું કૌભાંડ ઝડપાયું છે. SOGએ અનાજના જથ્થા સાથે 11 વાહનોને ઝડપી પાડ્યા છે. 11 વાહનોમાંથી 439 મણ ઘઉંનો જથ્થો ઝડપાયો છે.

મહત્વનુ છે કે, રાશનકાર્ડમાં પરિવારોને સસ્તુ અનાજ આપવામાં આવે છે. બારોબારે વેચવામાં આવતા કૌભાંડને SOGએ ઝડપી પાડ્યો છે. રાજસીતાપુર ગામ પાસેથી ઘઉંને નવલગઢ ફેક્ટરીમાં વેચાણ માટે જતા હતા. બાતમીના આધારે પોલીસે મુદ્દામાલ જપ્ત કરી કાર્યવાહી હાથ ધરી છે.

સળગતા સવાલ

• સરકારી અનાજ કોણ બારોબાર વેચી રહ્યું છે?
• ગરીબોના હકનું અનાજ કોણ ખાઇ રહ્યું છે?
• આવું કેટલું અનાજ બારોબાર વેચાતું હશે?
• સરકારી અનાજની કાળાબજારી ક્યાં સુધી?
• આવા કૌભાંડીઓ સામે કાર્યવાહી ક્યારે થશે?
• આ લોકો સામે કડક કાર્યવાહી થશે કે ભીનું સંકેલાઇ જશે?
• સરકારી અનાજ કૌભાંડના તાર ક્યાં સુધી?
• આ કૌભાંડમાં કેટલા લોકો સંડોવાયેલા છે?