સલામ / ગુજરાતના આ શહેરના કમિશ્નર સહિત 100 પોલીસકર્મીઓ આજે સાયકલ લઈ દાંડી પહોંચ્યા

• સુરત પોલીસ કમિશનરે કરી દાંડી યાત્રા
• સાયકલ સાથે કાઢી રેલી
• 100 પોલીસકર્મીઓ સાથે પહોંચ્યા દાંડી

મહાત્મા ગાંધીએ દુનિયાને બતાવી આપ્યું લોહિયાણ જંગ કરતા અહિંસા ની લડાઈ થી પણ જંગ જીતી શકાય છે જેની અલગ છાપ દુનિયા પર પડી અને મહાત્મા ની પ્રેરણા વિશ્વભર ના લોકોએ સ્વીકારી અને બાપુને યાદ કરી બાપુની ઐતિહાસિક મંજિલોના દર્શન કરવા પગપાળા કે સાયકલ યાત્રા કરીને નવસારીના દાંડી માં આવી રહ્યા છે જેમાં સુરતના કમિશ્નર સહિત 100 પોલીસકર્મીઓ આજે સાયકલ રેલી સાથે દાંડી આવી પહોચ્યા હતા. 

અહિંસાના પૂજારી તો આપણી વચ્ચે રહ્યા નથી પણ તેમના વિચારો આજે પણ અમર થઈ ગયા અને શાંતિના દુત તરીકે જગવિખ્યાત થઈ ગયા તેમની વિચારધારાને અપનાવવા યુવાપેઢી પણ આગળ આવી રહી છે ત્યારે માર્ચ એપ્રિલ અને મેંના દિવસોમાં બાપુએ સાબરમતી આશ્રમથી દાંડી સુધીની યાત્રા કરી હતી જેની યાદ તાજા કરાવવા આજે સુરત પોલીસ કમિશનર સહિત પોલીસ કાફલો સુરતથી નવસારીના દાંડી આવી પોહચ્યો હતો અને ચપટી મીઠું જ્યાંથી ઉપાડ્યું હતું ત્યાં દર્શન કર્યા હતા સાથે નવો નિર્માણ માપેલ મેરોરિયલને નિહાળ્યો હતો.

શું હતી એ દાંડી યાત્રા?

• મીઠું બનાવવા પર લાગેલા પ્રતિબંધના વિરોધમાં કરવામાં આવી હતી યાત્રા
• મહાત્મા ગાંધીએ 12 માર્ચ 1930ના દિવસે સાબરમતી આશ્રમથી દાંડી સુધી કરી યાત્રા
• ગાંધીજી અને તેમના અનુયાયીઓ 25 દિવસ બાદ 241 માઈલનું અંતર કાપી 5 એપ્રિલે દાંડી પહોચ્યાં હતા
• દાંડીયાત્રાને મીઠાના સત્યાગ્રહના નામથી પણ ઓળખવામાં આવે છે
• ગાંધીજીએ દાંડી પહોંચી ચપટી મીઠું હાથમાં લઈ મીઠાના કાયદાનો ભંગ કર્યો 
• મીઠાના સત્યાગ્રહને કારણે દેશમાં સ્વતંત્રતા સંગ્રામમાં એક નવો સંચાર થયો હતો
• 12 માર્ચ 1930ના દિવસને આઝાદીની ચળવળની દિશા બદલી નાખનાર ઐતિહાસિક દિવસ માનવામાં આવે છે
• ગાંધીજીની દાંડી યાત્રાથી આખી અંગ્રેજ સન્તલત હચમચી ગઈ હતી
• દાંડી યાત્રા દરમિયાન બાપુ કરાડી ગામે ઘાસ અને ખજૂરીનાં પાંદડાંની સાવ સાદી ઝૂંપડીમાં 22 દિવસ રોકાયા હતા
• નવસારી પાસે હાંસાપોર ફાટકે અંગ્રેજોએ અડધી રાતે ટ્રેન રોકાવી હતી
• ગાંધીજી દાંડી આવ્યા ત્યારે તેઓ વ્હોરા સમાજના 51મા ધર્મગુરુ સૈયદના તાહેર સૈફુદ્દીનસાહેબના ઘરે રોકાયા હતા
• ટાઈમ પત્રિકાએ 31 માર્ચના અંકમાં ગાંધીજીની તસ્વીર છાપી હતી
• મીઠાના સત્યાગ્રહ દરમિયાન લગભગ 60 હજાર ભારતીયોને જેલમાં પુરાયા હતા