સુરત / આવું ખાવો તો-તો ઝાડાં-ઉલટી જ થાય ને! જોઇ લો ગંદા પાણીમાં શાકભાજી ધોતા ફેરિયાનો વીડિયો

સુરત શહેરમાં સ્વચ્છતા અંગે અનેક પ્રયાસો થયા છે, છતાં પણ કેટલાક વિસ્તાર છે જ્યાં હજી પણ સ્વાસ્થ્યને લઈને ગંભીર બેદરકારી જોવા મળી રહી છે. તાજેતરમાં પાંડેસરા વિસ્તારમાં આવેલા આવિર્ભાવ સોસાયટી-2માં એક ચોંકાવનારો વિડિયો વાયરલ થયો છે. આ વીડિયો જોઈને લોકોમાં રોષની લાગણી ફેલાઈ છે.

વીડિયોમાં શું છે?

આ વીડિયોમાં શાકભાજી વેચતા કેટલાક વેપારીઓ રસ્તા પર ભરાયેલા દુષિત પાણીમાં સીધા જ શાકભાજી ધોઈ રહ્યા છે. રસ્તાનું પાણી ગંદું હતું પરંતુ તેમાં નાળાનો મેલ અને ગટરનું પાણી પણ મળેલું દેખાતું હતું. આવા પાણીમાં શાકભાજી ધોવાને કારણે તે સ્વાસ્થ્ય માટે હાનિકારક બની શકે છે.

લોકોમાં ભારે રોષ

વિડિયો વાયરલ થતાં સ્થાનિક રહેવાસીઓ અને સોશિયલ મીડિયા પર જોનાર લોકો આના પર અનેક સવાલો ઉઠાવી રહ્યા છે. લોકો કહે છે કે આવી શાકભાજી ખરીદીને લોકો બીમાર પડી શકે છે. ખાસ કરીને બાળકો અને વૃદ્ધો માટે તે ગંભીર જોખમ ઉભું કરી શકે છે.

આ પણ વાંચો : 3 બાળકોના મોત, એક દાખલ, ગુજરાતમાં ફરી ચાંદીપુરમ વાયરસની એન્ટ્રી, જાણો કયા જિલ્લામાં

કડક પગલાં લેવાની માંગ

આ મામલો પાંડેસરા વિસ્તારનો હોવાને કારણે સુરત મહાનગરપાલિકા અને ફૂડ ડિપાર્ટમેન્ટે તરત કાર્યવાહીની જરૂર છે તેવી લોકોની માંગ છે. સ્થાનિક તંત્રે શાકભાજી વેચનાર ફરિયાઓને નિયમો વિશે જાગૃત કરવાના અને કડક પગલાં ભરવાના પ્રયત્નો કરવાની જરૂર . સુરત શહેરમાં ખાદ્યસામગ્રી સાથે આવી બેદરકારી કોઈ પણ પ્રકારે માન્ય નથી. આવું કૃત્ય ન માત્ર નિયમોનો ભંગ છે, પરંતુ તે લોકોના જીવ સાથે પણ ચેડા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ