ચાલુ બસે બસમાં જીવના જોખમે મુસાફરો બારીમાંથી બસમાં સવાર થઈ રહ્યા હોવાનો સુરતની એસટી બસનો વીડિયો વાયરલ થતા ચકચાર મચી ગઈ છે. આ બસ દાહોદ-ગોધરા બાજુની હોવાનું મનાઈ રહ્યું છે. બસની ઓછી ફ્રિકવન્સીને કારણે આ ભીડ હોવાનું પણ અનુમાન છે. સરકાર અબજો રૂપિયાની મેટ્રો, બુલેટ, તેજસ દોડાવે છે પણ મજૂર વર્ગ માટે સારી એસટીની સુવિધા કેમ નહીં કરતું હોય તેવો પણ લોકજુવાળ ઉઠી રહ્યો છે.
શા માટે જીવના જોખમે સીટ મેળવવાની જંગ?
કેમ GSRTC બસો ઓછી છે?
દરેક પ્રવાસીઓને નથી મળતી સીટ?
લોકો ચાલુ બસે બારીએથી કૂદે છે. જીવના જોખમે એક સીટ મેળવવા માટે પ્રવાસીઓ આ સંઘર્ષ કરી રહયાં છે. શું વિકાસશીલ ગુજરાતનું આ ચિત્ર છે. વિકાસની વાર્તાઓ વચ્ચે GSRTCની બસનો વીડિયો આ એક વરવું ચિત્ર રજૂ ચોક્કસ કરે છે. આ સ્થિતિ જોઇને સવાલ ચોક્કસ થાય કે, આ સ્થિતિ માટે જવાબદાર કોણ પબ્લિક ટ્રાન્સપોર્ટનું અયોગ્ય નિયમન કે પછી લોકોનું ગેરશિસ્ત. આ વીડિયો રાંદેરનો હોવાનું મનાયુ રહ્યું છે.
બસમાં જગ્યા મેળવવા દરવાજાને બદલે બારીમાંથી મુસાફરો પ્રવેશ કરી રહ્યા છે. જીવના જોખમે સીટ મેળવતા લોકો પડાપડી કરી રહ્યા છે આ વીડિયો સુરતના રાંદેરનો હોવાનું અનુમાન છે. રામનગર ચાર રસ્તાથી ઉપડી બસનો વીડિયો છે. ત્યાંથી લગભગ દાહોદ-ગોધરા બાજુની બસ ઉભી રહે છે.