મર્ડર / સુરતના કુખ્યાત ખંડણીખોર વસીમ બિલ્લાની જાહેરમાં ગોળીમારીને હત્યા થતાં ચકચાર

• ખંડણીખોરનું મોત પણ અપમૃત્યુ
• પૈસાની લેતી દેતી મામલે હત્યા
• પાંચ રાઉન્ડ ગોળી છાતીમાં ધરબી દીધી

સુરતના ઝાંપા બજાર ખાતે રહેતા વસીમ મીરજા ઉર્ફે વસીમ બિલ્લા સુરત ખાતે કુખ્યાત નાસિર સુરતી અને તેના ભાઈની ગેંગમાં સામેલ થઈ ભાઈગીરી અને ખંડણી ઉઘરાવતો હતો. સુરત પોલીસે તેને તડીપાર કરતાં તે નવસારીમાં રિંગરોડ ખાતે આવેલ એપાર્ટમેન્ટમાં તેના પિતા સાથે રહેતો હતો. ગઇ કાલે વસીમ કાર લઈને નવસારીનાં છાપરાં રોડ ખાતે ગયો હતો, જ્યાં તેના પર ફાયરિંગ કરીને મોતને ઘાટ ઉતારવામાં આવ્યો છે. 

પાંચ રાઉન્ડ ગોળી છાતીમાં ધરબી દીધી

વસીમની સુરતના શખ્સ સાથે રૂ.પાંચ કરોડની લેતીદેતીના મામલે ચાર લોકો નવસારી આવ્યા હતા અને રસ્તામાં જ મિટિંગ થયા બાદ તેમની વચ્ચે કોઈ બોલાચાલી થઈ હતી અને વસીમ તેના ઘર પાસે આવવા નીકળ્યો હતો ત્યારે મણિનગર છાપરાં રોડ પાસે પહોંચતાં ગેટ પાસે આ ચાર યુવાનોએ આવી તેની કાર અટકાવીને પાંચ રાઉન્ડ ગોળી છાતીમાં ધરબી દીધી પછી તે ફરાર થઈ ગયા હતા. રાત્રિના અંદાજે ૧૦.૪૫ વાગ્યાની ઘટના બાદ ગ્રામ્ય પોલીસે આવીને કાર્યવાહી શરૂ કરી હતી.