મુશ્કેલી / કોરોના કાળમાં હીરા ઉદ્યોગની ચમક ખોવાઇઃ રત્નકલાકારોની કફોડી હાલત

• સુરતમાં લોકડાઉનને કારણે હીરા ઉદ્યોગની હાલત કફોડી
• 50 ટકાથી વધુ રત્નકલાકારો બેરોજગાર
• કેન્દ્ર સરકારને પેકેજ જાહેર કરવા કરી માંગ

રાજ્યના ડાયમંડ સીટી ગણાતા સુરતમાં લોકડાઉન બાદ હીરા ઉદ્યોગની હાલ કફોડી જોવા મળી રહી છે. જેમાં 50 ટકાથી વધુ રત્નકલાકારો બેરોજગાર થયા છે. જ્યારે બીજી તરફ મંદીના ભણકારા વચ્ચે રત્નકલાકારોના પગારમાં પણ ઘટાડો જોવા મળ્યો છે.

આમ હાલ કોરોના કાળમાં લોકડાઉન બાદ હીરા ઉદ્યોગની કફોડી હાલતને લઇને રાહત પેકેજની માંગ ઉઠી છે. હીરા ઉદ્યોગ દ્વારા કેન્દ્ર સરકારને પેકેજ જાહેર કરવા માંગણી કરવામાં આવી છે. 

સુરતમાં હીરા ઉત્પાદન યુનિટમાં કાચી પડ્યાની ચર્ચા
લોકડાઉનની માઠી અસર સુરતના  હીરા ઉત્પાદન યુનિટ પર પડી છે. સુરતના કતારગામનું યુનિટ 35 કરોડમાં કાચી પડ્યાની ચર્ચા છે.,લોકડાઉનને કારણે બંધ થયેલા યુનિટ હજુ ચાલુ નથી થઇ શક્યા જેના કારણે કારીગરોના પગાર પણ બાકી છે. તો લેણદારોનું લીસ્ટ પણ બજારમાં ફરતું થયું છે. સુરત-મુંબઈના 30 લેણદારોએ  બેઠક યોજી હતી.