હિટવેવ / રવિવારથી ૪૩-૪૪ ડિગ્રી આકરી ગરમી માટે તૈયાર રહેજો 

પશ્ચિમમાંથી ઉત્તર-પશ્ચિમ દિશા ધરાવતા પવન ફુંકાતા રાજ્યનું વાતાવરણ સૂકું બન્યું છે તેમજ ગરમીના પ્રમાણમાં વધારો નોંધાયો છે. ગઇ કાલે રાજકોટમાં ૪ર.૩ ડિગ્રી અને સુરેન્દ્રનગરમાં ગરમીનો પારો ૪ર ડિગ્રી જેટલો ઊંચકાયો હતો. અમદાવાદમાં ૪૧.૮ ડિગ્રી ગરમી નોંધાઇ હતી.

દરમિયાન આજે સવારે શહેરમાં ગરમીનું પ્રમાણ સહેજ ઓછું હતું. શહેરમાં આજે ર૬.ર ડિગ્રી સેલ્શિયસ લઘુતમ તાપમાન નોંધાયું હતું. જે સામાન્ય તાપમાન કરતાં એક ડિગ્રી ઓછું હતું. આજે દિવસ દરમિયાન ગરમીનો પારો ૪૧-૪ર ડિગ્રીની વચ્ચે રહે તેવી શકયતા છે. આગામી બે ચાર દિવસ સુધી અમદાવાદ સહિત રાજ્યભરમાં ગરમીની તીવ્રતા યથાવત રહેશે, પરંતુ રવિવાર બાદ ગરમીનો પારો ઊંચકાશે. 

સ્થાનિક હવામાન વિભાગની આગાહી કહે છે કે આગામી રવિવારથી તા.ર૩ મે મંગળવાર સુધી ગરમીનો પારો ઊંચકાઇને ૪૩થી ૪૪ ડિગ્રી વચ્ચે રહેવાની સંભાવના હોઇ શહેરીજનોએ આકરા તાપમાં શેકાવા માટે તૈયાર રહેવું પડશે.