અર્થતંત્ર / ગુજરાત માથે એક જ વર્ષમાં અધધ... દેવું વધ્યું, આંકડો જોઈ આંખો ફાટી જશે

• GST વડે ગુજરાત સરકારને ટેક્સ કલેક્શનમાં મોટી ખોટ જઈ રહી છે
• સ્થિતિ સુધરશે નહિ તો મહત્વના પ્રોજેક્ટ્સના ફંડ અટકવાની શક્યતા

આ ગાળામાં સરકારની ટેક્સની આવક 4.1% ઘટીને 58330 કરોડથી ઘટીને 55928 કરોડ થઇ ગઈ છે. નિષ્ણાતોના મતે રાજય અને કેન્દ્ર સરકારની ઘટતી આવક એ ઇકોનોમિક સ્લોડાઉનના લક્ષણો છે.

(આપેલ આંકડા મહિના દીઠ સરકારના દેવાના સંચિત (cumulative)આંકડા કરોડમાં છે.)

IIM અમદાવાદના એક પ્રોફેસરના મતે રાજ્યની હૂંડિયામણમાં ત્યારે વધારો નોંધાય છે જયારે તેના ટેક્સ રેવન્યુમાં ઘટાડો નોંધાય. રાજય અને કેન્દ્ર સરકારની ઘટતી આવક એ ઇકોનોમિક સ્લોડાઉનના લક્ષણો છે. આ ઉપરાંત ગુજરાતમાં મેન્યુફેક્ચરિંગ ક્ષેત્ર ખૂબ અગત્યનું છે માટે GSTથી જતી ખોટમાં ગુજરાત સરકારને મોટા પ્રમાણમાં નુકશાન વેઠવું પડે તેમ છે. સરકારે કેટલાક ક્ષેત્રોમાં ખર્ચ કરવા ફરજીયાત હોય છે આ કિસ્સાઓમાં રાજ્યનું દેવું વધે છે.

આ ઉપરાંત નિષ્ણાતોએ કેન્દ્ર સરકાર તરફથી મળતા વળતરમાં થતા વિલંબ અંગે ચિંતા વ્યક્ત કરીને જણાવ્યું હતું કે તેનાથી પરિસ્થિતિ વધુ ખરાબ થઇ શકે છે. જો આ સ્થિતિ ચાલુ રહી તો સરકારના ડેવલપ થઇ રહેલા મહત્વના પ્રોજેક્ટ્સનું ફંડ અટકી શકે છે. 

રાજ્યના કોમર્શિયલ ટેક્સ ડિપાર્ટમેન્ટ આંકડા અનુસાર ગુજરાતે 2017-18 અને 2018-19ના વર્ષમાં કેન્દ્ર સરકાર પાસેથી GST ટેક્સના મુદ્દે 9836 કરોડનું વળતર મેળવ્યું હતું. 2019-20 માટે કેન્દ્ર તરફથી ગુજરાતને હજી 3500 કરોડનું વળતર ચૂકવવાનું બાકી છે.