BIG NEWS / ગામ, તાલુકા અને જિલ્લા પંચાયતોમાં તમામ ઓનલાઈન સેવાઓ થઇ ઠપ, જાણો કેમ અરજદારો મુકાયા મુશ્કેલીમાં

• જી-સ્વાનને લાગતી તમામ સેવાઓ ઠપ થઈ,
• છેલ્લા બે દિવસથી ટેક્નિકલ ખામી સર્જાઈ
• સર્વર ટેક્નિકલ ખામીને લઈને અરજદારો મુશ્કેલીમાં મુકાયા

સરકારના ગુજરાત સ્ટેટ વાઈડ એરિયા નેટવર્ક એટલે કે GSWANને લાગતી તમામ મ સેવાઓ ઠપ્પ થઈ જતાં અરજદારો મોટી મુશ્કેલીમાં મુકાયા છે.છેલ્લા બે દિવસથી ટેક્નિકલ ખામીને કારણે 300 વેબસાઈટ અને 40 એપ્લિકેશન દ્વારા સરકારી સેવાઓને ઓપરેટ કરતાં ગુજરાત સરકારના GSWAN નેટરર્ક હાલ ડાઉન થઈ ગયું છે.

જી-સ્વાન ઇ-ગ્રામની ગ્રામ પંચાયતની લાગતી સેવાઓ પર સર્વર ડાઉન થવાથી મોટી પરેશાનીનો સામનો કરવાનો વારો આવ્યો છે. તાલુકા પંચાયત, જિલ્લા પંચાયતના અનેક વિભાગની મોટી મોટી સેવાઓ  GSWAN નેટવર્કથી ઓપરેટ થાય છે ત્યારે સર્વર ટેક્નિકલ ખામીને કારણે છેલ્લા બે દિવસથી અરજદારો ધરમના ધક્કા ખાઈ રહ્યા છે નેટવર્ક જલ્દી ઑન મોડ પર આવે તેના પ્રયાસ ચાલી રહ્યા છે.

કઇ સેવાઓ થઈ અસર
ગુજરાત રાજ્યમાં ઓનલાઈન સેવા જેવી કે જન્મ-મરણના પ્રમાણપત્ર, મહેસૂલી નોંધ, ખેલમહાકુંભ માટે રજિસ્ટ્રેશન, ભરતી પરીક્ષાઓના ફોર્મ, વાહન લાયસન્સ, ઈ- ટ્રેઝરીથી લઈને શિષ્યવૃત્તિ સહિતની અનેક યોજનાઓ માટે 4૦થી વધુ એપ્લિકેશનથી ઓનલાઈન સેવાઓ નાગરિકોને ઉપલબ્ધ કરાવાય છે. ત્યારે છેલ્લા બે દિવસથી ટેક્નિકલ ખામીને કારણે જી-સ્વાનને લાગતી તમામ સેવાઓ ઠપ્પ થઈ ગઈ છે. 

GSWAN છે શું?
ગુજરાત સ્ટેટ વાઈડ એરિયા નેટવર્ક એટલે કે GSWANએ એન્ડ-ટુ-એન્ડ IP આધારિત નેટવર્ક છે જે એક જ બેકબોન પર, ગુજરાત, ભારતની રાજ્ય સરકાર માટે સર્વિસ કન્વર્જન્સ (વોઈસ, વિડિયો અને ડેટા) માટે રચાયેલ છે.300 વેબસાઈટ અને 40 એપ્લિકેશન GSWANથી ઓપરેટ થાય છે. ત્યારે સર્વર ડાઉન થતાં ભરતી પરીક્ષાઓના ફોર્મ અને વાહન લાયસન્સ સેવાઓ પણ અસર પડે તેવી શકયતા છે.

2019માં ડેટા સેન્ટરમાં રિપેરીંગ કામ શરૂ થતાં ત્રણ દિવસ સેવા કરાઇ હતી બંધ
9 ઓગસ્ટ 2019ની રાત્રે 9 વાગ્યાથી ઓનલાઇન સેવા બંધ કરવામાં આવી હતી . ત્રણ દિવસ માટે ગુજરાત સરકારની તમામ પ્રકારની ઓનલાઈન સેવાઓ ડેટા સેન્ટરમાં રિપેરીંગનું કામ શરૂ કરવાનું હોવાથી બંધ રાખવામાં આવી હતી.

2017માં સાઈબર એટેકથી અપડેટ થવા GSWAN સેવા કરાઇ હતી બંધ
સુરક્ષાના પગલે વેબસાઇટ બંધ કરવામાં આવી હતી. વેબસાઇટ સાથે સંકળાયેલી તમામ લીંક કાર્યરત  થઇ ગઇ હતી.ઉલ્લેખનીય છે કે વેબસાઇટો પર થઇ રહેલા સાયબર હુમલા અને હેક થતા આ સાયબર હુમલાથી ગુજરાત ગવર્નમેન્ટની સાઇટોને બચાવવા તાત્કાલિક જીસ્વાન સહિતની વેબસાઇટ બ્લોક કરાઇ હતી. તમામ યુઝર્સને એન્ટી વાયરસ ડાઉનલોડ કરવા સુચના અપાઇ હતી.