ટુર્નામેન્ટ / ફૂટબોલપ્રેમીઓ માટે સારા સમાચાર : ગુજરાતમાં પ્રથમ વખત ક્લબ ચેમ્પિયશીપનો 5 માર્ચથી પ્રારંભ

• ગુજરાત સ્ટેટ ફૂટબોલનું પ્રથમ વખત આયોજન 
• ક્લબ ચેમ્પિયનશીપનો 5મી માર્ચથી પ્રારંભ
• 3 કેટેગરીમાં 33 ટીમો ચેમ્પિયનશીપમાં રમશે

ગુજરાત સ્ટેટ ફૂટબોલ એસોસિએશન દ્વારા આગામી 5મી માર્ચથી સૌપ્રથમ વાર કલબ ચેમ્પિયનશીપનું આયોજન કરાયું છે.3 કેટેગરીમાં 33 ટીમો ગુજરાતના 11 શહેરોમાં 106 મેચો રમશે.આ ચેમ્પિયનશિપમાં 990 ફૂટબોલ ખેલાડીઓ ભાગ લેશે.ચેમ્પિયનશિપના વિજેતાઓ AIFFI લીગ ક્વોલિફાયર્સમાં ગુજરાતનું પ્રતિનિધિત્વ કરશે.

5 માર્ચ 2022થી કલબ ચેમ્પિયનશીપ શરૂ થશે
ગુજરાત સ્ટેટ ફૂટબોલ એસોસિયેશનના પ્રેસિડેન્ટ પરિમલ નથવાણીએ સૌપ્રથમ વાર આયોજિત GSFA કલબ ચેમ્પિયનશીપની જાહેરાત કરી હતી.આ ટુર્નામેન્ટની મેચો 5 માર્ચ 2022થી શરૂ થશે.જે બે તબક્કાઓમાં રમાશે તથા ત્રણ મહિના સુધી ચાલશે.દરેક કેટેગરીમાં પ્રથમ તબક્કામાં ટીમોને અલગ અલગ ગ્રુપોમાં વિભાજિત કરાશે.જે ગ્રુપની અન્ય ટીમો સાથે બે મેચો રમશે. ગુજરાતમાં 11 શહેરોમાં કુલ 106 આવી મેચો રમાશે.આ ટુર્નામેન્ટમાં સિનિયર કેટેગરીમાં 17 , જૂનિયર કેટેગરીમાં 09 અને સબ-જૂનિયર કેટેગરીમાં 07 ટીમો ભાગ લઇ રહી છે.

કયા શહેરો કઈ કેટેગરીમાં ભાગ લેશે?
આ ટુર્નામેન્ટ ગુજરાતના 11 શહેરોમાં જેવા કે અમદાવાદ, ગાંધીનગર, વડોદરા, રાજકોટ, સુરત, ભાવનગર, અંકલેશ્વર, વાપી, ગોધરા, દાંતીવાડા અને આણંદમાં યોજાશે. તમામ ત્રણ કેટેગરીમાં ભાગ લેનાર ગુજરાતના ચાર શહેરોમાં અમદાવાદ, રાજકોટ, વડોદરા અને ભાવનગરનો સમાવેશ થયા છે જ્યારે ગાંધીનગર, આણંદ, સુરત અને ભરુચ 2 કેટેગરીમાં ભાગ લઈ રહ્યું છે તો જામનગર, ગોધરા, બનાસકાંઠા અને વાપી 1 કેટેગરીમાં એપ્લાઈ કર્યું છે. આ ટુર્નામેન્ટની ફાઈનલ મે મહિનાના છેલ્લા અઠવાડિયામાં અમદાવાદના ટ્રાન્સસ્ટેડિયા સ્ટેડિયમમાં રમાશે.    

શું ફાયદો મળશે
આ ક્લબ ચેમ્પિયનશીપ ટુર્નામેન્ટના આયોજનથી ગુજરાતના ફૂટબોલરોને રાજ્ય અને નેશનલ કક્ષાએ પહોંચવા માટે સારો અને સુનિયોજિત રસ્તો મળશે. આ ટુર્નામેન્ટની ફાઈનલ મે મહિનાના છેલ્લા અઠવાડિયામાં અમદાવાદના ટ્રાન્સસ્ટેડિયા સ્ટેડિયમમાં રમાશે. 10 ફોરેન ખેલાડી પણ જૂદી જુદી ક્લબમાં ભાગ લઈ આ ટૂનામેન્ટનો હિસ્સો બનશે.