'એસટી અમારી સલામત સવારી બેઠા પછી જવાબદારી તમારી' એસટી બસ માટે આ સ્લોગન પરફેક્ટ છે. હાલ જ રાજકોટમાં STનો એક વીડિયો વાયરલ થયો છે જેમાં યુવતી 10 મીટર સુધી બસના ટાયર સાથે ઘસડાઈ હતી. તેમ છતાં બસ ચાલકે બસ ઉભી નહોતી રાખી. પણ કહેવાય છેને કે રામ રાખે તેને કોઈ ચાખે? તે ન્યાયે યુવતીને કોઈ હાની થઈ નહતી પરંતુ એસટી ડ્રાઈવરની લાપરવાહી સામે આવી હતી.
બસના ટાયર સાથે યુવતી 10 મીટર સુધી ઢસડાઇ
સમગ્ર ઘટના CCTVમાં કેદ
ઘટના બાદ ગામના યુવકો અને ડ્રાઇવર વચ્ચે મારામારી
રાજકોટમાં સરધાર ગામના ST બસ સ્ટેન્ડ પાસે યુવતી ST બસના ટાયર સાથે 10 મીટર સુધી ઢસડાઇ હતી. ત્યારે આ સમગ્ર ઘટનાના CCTV સામે આવ્યા છે. જેમાં યુવતી ST બસના ટાયર નીચે આવતા આવતા બચી જાય છે.
સ્થાનિકોએ બસ ડ્રાઈવરને ચખાડ્યો મેથી પાક
આ દુર્ઘટનાને પગલે સ્થાનિક યુવાનોએ બસને ઉભી રખાવી હતી અને બસ ડ્રાઈવર તેમજ યુવાનો વચ્ચે મારામારી થઈ હતી જેમાં સ્થાનિકોએ બસ ડ્રાઈવરને બરાબરનો મેથીપાક ચખાડ્યો હતો.
ઘટનાનો વીડિયો થયો વાયરલ
આ સમગ્ર ઘટના CCTVમાં કેદ થઈ ગઈ હતી જેનો વીડિયો વાયરલ થયો છે ઘટનાને પગલે એસટી ચાલકોની વધુ લાપરવાહી સામે આવતા લોકોમાં રોષ પણ જોવા મળી રહ્યો છે.