કોરોના સંકટ / ગુજરાત સરકારનો વિચિત્ર નિયમ? તો શું કોરોના ટેસ્ટ માટે દર્દીએ આ ફરજિયાત કરવું પડશે

ગુજરાતમાં મૃત્યુદર દેશમાં ઘણો ઊંચો છે. ગુજરાતની પ્રજાને લાગી રહ્યું હતું કે સરકારની પોલિસી તેમને આ મુશ્કેલીમાંથી રાહત આપશે જયારે તેને બદલે રાજ્યમાં કોરોના અને કોરોના સિવાયના બંને દર્દીઓ અને હોસ્પિટલ માટે હાલત બદથી બદતર થઇ છે તેવી ડોકટરોએ ચેતવણી આપી છે. 

શહેરમાં કોવિડ બેડ ખૂબ ઓછા પ્રમાણમાં ઉપલબ્ધ

અમદાવાદ મેડિકલ એસોસિએશન અને અમદાવાદ હોસ્પિટલ્સ અને નર્સિંગ હોમ્સ એસોસિએશનના કહેવા પ્રમાણે શહેરમાં કોવિડ બેડ ખૂબ ઓછા પ્રમાણમાં ઉપલબ્ધ છે. આથી શહેરની હોસ્પિટલોમાં રોજને રોજ 8 થી 10 જેટલા દર્દીઓને દાખલ થવાની ના પાડવી પડે છે. જેમ કે અત્યારે સાલ હોસ્પિટલમાં 72 કોવિડ બેડમાંથી 72 બેડ ઓક્યુપાઇડ એટલે કે ભરાયેલા છે. ઘણા દર્દીઓને તો કન્સલ્ટન્ટ ડોક્ટર જ સીધી હોસ્પિટલમાં આવવાની ના પાડે છે અર્થાત કુલ કેટલા દર્દીઓને હોસ્પિટલ સુવિધા નથી મળતી તે આંકડો તો જાણવો અઘરો છે. 

શહેરની મોટી પ્રાઇવેટ હોસ્પિટલમાં કુલ કોરોના બેડ અને ભરાયેલા બેડના આંકડા આ પ્રમાણે છે. Source : Ahmedabad Mirror 

ટેસ્ટિંગની આ પોલિસીથી વધુ ને વધુ દર્દીઓ હોસ્પિટલમાં ધસી રહ્યા છે

ડોકટરોના મતે સરકારની આ નીતિ એટલે વિચિત્ર છે કારણ કે તેમણે થોડા અઠવાડિયા પહેલા લક્ષણો વગરના દર્દીઓને હોમ આઇસોલેશન માટે કહેવામાં આવ્યું હતું જયારે હવે સુત્રો પાસેથી જાણવા મળેલી ટેસ્ટિંગની આ પોલિસીથી વધુ ને વધુ દર્દીઓ હોસ્પિટલમાં ધસી રહ્યા છે. AMAના પ્રેસિડેન્ટ મોના દેસાઈના જણાવ્યા પ્રમાણે જે પોઝિટિવ દર્દીઓના સગા લક્ષણો ધરાવે છે તેમના માટે પણ બેડ ઉપલબ્ધ નથી. આ ઉપરાંત ખાનગી હોસ્પિટલ તેમના તમામ બેડ કોરોનાના દર્દીઓ માટે રાખે તે પણ શક્ય નથી. સરકારે કોરોના સિવાયના દર્દીઓ માટે પણ વિચારવું જોઈએ. આ માટે જ અમે સરકારને ટેસ્ટિંગ પોલિસીમાં બદલાવ લાવવા માટે વિનંતી કરી રહ્યા છીએ. 

AMA ફરી એક વાર હાઈકોર્ટના દ્વાર ખખડાવે તેવી શક્યતા

આ મુદ્દે AMA ફરી એક વાર હાઈકોર્ટના દ્વાર ખખડાવે તેવી પણ શક્યતા છે. આ મુદ્દે આરોગ્ય વિભાગે કહ્યું છે કે તેઓ આ મુદ્દે ચર્ચા કરી રહ્યા છે અને આ પોલિસીમાં ફેરફાર કરવો કે કેમ તે મુદ્દે વિચારણા કરી રહ્યા છે. સરકારી હોસ્પિટલની વાત કરવામાં આવે તો અમદાવાદ સિવિલ હોસ્પિટલના 1200 બેડમાંથી 6 જૂન પ્રમાણે અત્યારે 800 બેડ ભરાયેલા છે. જો કે સિનિયર અધિકારીઓનું કહેવું છે કે આ કેટલાક બેડને રિઝર્વ રાખવા જરૂરી છે.