આ વર્ષે જે વિદ્યાર્થીઓને મેડિકલ, એન્જિનિયરિંગ સહિતના અભ્યાસક્રમોમાં એડમિશન લેવાનું હોય તેમના માટે ખુશીના સમાચાર છે. 10 ટકા આર્થિક અનામતની સાથે મેડિકલ, એન્જિનિયરિંગની બેઠકોમાં 25 ટકાનો વધારો કર્યો છે.
10 ટકા સર્વણ અનામત અમલીકરણને લઇ સરકારે નવો રસ્તો શોધ્યો છે. 10 ટકા સવર્ણ અનામતના અમલ માટે 25 ટકા બેઠકોનો વધારો કરવામાં આવ્યો છે. જેમાં B.COM, BBA, BCAમાં 9 હાજર 360 બેઠકોનો વધારો કરાયો છે. તો બીએસસીમાં 3350 બેઠકો વધારવામાં આવી છે. જ્યારે બીએમાં 3588 બેઠકો વધી છે.
તો પોસ્ટ ગ્રેજ્યુએટ સ્તરના અભ્યાસક્રમોમાં પણ 2840 બેઠકોનો વધારો કરાયો છે. જ્યારે એન્જિનિયરિંગમાં વિવિધ અભ્યાસક્રમોમાં 44 હજાર બેઠકો વધી છે. ગુજરાત યુનિવર્સિટીની બેઠકો વધતા યુનિવર્સિટીએ રિસફલિંગ રાઉન્ડ શરૂ કરવામાં આવ્યો છે. રિસફલિંગથી વિદ્યાર્થીઓ કોલેજની પસંદગી બદલી શકશે.
આ મામલે નાયબ મુખ્યમંત્રી નીતિન પટેલે જણાવ્યું હતું કે, 10 ટકા આર્થિક અનામતને મંજૂરી આપી દેવામાં આવી છે. 10 ટકા અનામતનો લાભ અનુસૂચિત જાતિ અને અનુસૂચિત જનજાતીને મળતી અનામતને સ્પર્શ કર્યા વગર આપવામાં આવ્યો હતો.
વધુમાં તેમણે કહ્યું કે, ધોરણ 10 અને 12ના પરિણામો આવી ચૂક્યા છે. ત્યારે રાજ્ય સરકાર દ્વારા મેડિકલ અને એન્જિનિયરિંગ સહિતના અભ્યાસ ક્રમોમાં 10 ટકા અનામતનો લાભ આપવા માટે 900 કરતા વધારે મેડિકલની બેઠકોમાં વધારો કરવામાં આવ્યો છે. જોકે મેડિકલની માફક અન્ય અભ્યાસ ક્રમોમાં પણ આ જ રીતે અમલ કરવામાં આવશે.
મહત્વનું છે કે મોદી સરકાર દ્વારા આર્થિક રીતે પછાત વર્ગ માટે 10 ટકાનો બંધારણીય રીતે અનામતનો લાભ આપવામાં આવ્યો હતો. જેનો લભા ચાલુ વર્ષથી જ ગુજરાતમાં આપવામાં આવશે.