BIG BREAKING / ગુજરાતમાં વધુ એક પરીક્ષા સરકારે મોકૂફ કરી, નર્સિંગ ટ્યુટર વર્ગ-3ની લેખિત પરિક્ષા 4 સપ્ટેમ્બરે નહીં યોજાય

• રાજ્યમાં વધુ એક પરીક્ષા સરકારે મોકૂફ કરી 
• નર્સિંગ ટ્યુટર વર્ગ-3 ની પરીક્ષા મોકૂફ કરાઇ 
• 4 સપ્ટેમ્બર ના રોજ યોજાવવાની હતી પરીક્ષા 

ગુજરાતમાં સરકારી પરીક્ષા સ્થગિત રાખવાનો સિલસિલો હજુ પણ યથાવત છે. રાજ્યમાં વધુ એક પરીક્ષા સરકારે મોકૂફ કરી  છે. ગુજરાત ગૌણ સેવા પસંદગી મંડળે નર્સિંગ ટ્યુટર વર્ગ-3 ની પરીક્ષા અનિવાર્ય કારણોસર મોકૂફ રાખવાનો નિર્ણય કર્યો છે. મહત્વનું છે કે  4 સપ્ટેમ્બર ના રોજ નર્સિંગની સ્પર્ધાત્મક લેખિત પરિક્ષા લેવાનું આયોજન હતું પણ તેને મોકૂફ રાખવામાં આવતા લાંબા સમયથી તૈયારી કરી રહેલા ઉમેદવારો અવઢવમાં મુકાયા છે. આગામી દિવસોમાં પરીક્ષાની નવી તારીખ જાહેર થશે તેવી જાણકારી ગુજરાત ગૌણ સેવા પસંદગી મંડળની ઓફિશિયલ સાઈટ પર મૂકવામાં આવી છે.