ગુજરાત સરકાર દ્વારા ગઇકાલે 11 જાન્યુઆરીથી ધોરણ 10 અને 12મા વર્ગો શરુ કરવાને લઇને જાહેરાત કરવામાં આવી હતી. જો કે તેને લઇને વડોદરામાં શાળા સંચાલકો દ્વારા તૈયારીઓ શરુ કરવામાં આવી છે.
રાજ્યમાં 11 જાન્યુઆરીથી શાળા કોલેજો થશે શરૂ
વડોદરા શાળા સંચાલકો કરી રહ્યા છે તૈયારી
સરકારની નવી SOPનું પાલન સાથે શાળાઓ વર્ગો શરૂ કરશે
વડોદરા શાળા સંચાલકો દ્વારા આગામી 11 જાન્યુઆરીથી ધોરણ 10 અને 12ના વર્ગો શરુ કરવાને લઇને સરકારની જાહેરાત બાદ તૈયારીઓ શરુ કરી દીધી છે. સરકારની નવી SOPનું પાલન સાથે શાળાઓના વર્ગો શરુ કરાશે.
શાળા સંચાલકો ઝિક ઝેક અથવા સર્પા આકારે વિદ્યાર્થીઓને બેસાડવાનું આયોજન કરી રહ્યાં છે. આ સાથે સ્કૂલમાં સેનેટાઇઝર, માસ્ક જેવી સુવિધાઓ કરવામાં આવી રહી છે. આ સાથે વિદ્યાર્થીઓને આવવા માટે વાલીઓની પણ સંમતિ લેવામાં આવશે.
શાળાએ જવા માટે વાલીઓ આપી રહ્યા છે સંમતિ
ધોરણ 10 અને 12 સ્કૂલોના વર્ગો 11 જાન્યુઆરીથી શરુ કરવાની સરકારની જાહેરાત બાદ વિદ્યાર્થીઓ સામેથી શાળામાં આવવા ઇચ્છા દર્શાવી રહ્યાં છે. આ સાથે વાલીઓ પણ શાળાએ જવા માટે મંજૂરી આપી રહ્યાં છે.
વિદ્યાર્થીઓ દ્વારા જણાવામાં આવી રહ્યું છે કે ધોરણ-12 સાયન્સમાં સ્કૂલમાં જઇ પ્રેક્ટિકલ વગર પરીક્ષા આપવી શક્ય નથી. ઓનલાઇન અભ્યાસમાં અનેક વિક્ષેપ પડ્યા છે. વિદ્યાર્થીઓ કોરોના ગાઇડ લાઇનનું પાલન કરી શકે તેટલા સમજદાર છે. સરકારના નિર્ણયને અનેક વિદ્યાર્થીઓએ યોગ્ય ગણાવ્યો.
શાળાઓ શરૂ કરતા પહેલા હાથ ધરાઈ સાફ-સફાઈ
ગુજરાતમાં 11 જાન્યુઆરીથી શાળાઓ શરુ કરવાના સરકારના નિર્ણયને શાળા સંચાલકો તેમજ વાલી સહિત વિદ્યાર્થીઓ આવકારી રહ્યાં છે. અમદાવાદમાં શાળાઓ શરુ કરતા પહેલા સાફ-સફાઇ હાથ ધરાઇ છે. જ્યારે શાળા સંચાલકો અને શિક્ષકો વિદ્યાર્થીઓને આવકારવા તૈયાર છે. ધોરણ 10 અને 12ના વર્ગ 11 જાન્યુઆરીથી શરુ થશે.