ફી વિવાદનો મુદ્દો ગૂંચવાયેલો હતો અને આ મામલે કોઇ ચોક્કસ ઉકેલ નહોંતો આવ્યો ત્યારે હવે શાળા સંચાલકોએ હાઇકોર્ટમાં ફી ઘટાડવા મુદ્દે સહમતિ દર્શાવી છે નોંધનીય છે કે, આ મામલે સરકારે પણ હાઇકોર્ટમાં જવાબ રજૂ કર્યો હતો અને જો કે, વાલીઓ દ્વારા પણ આ મામલે ઉકેલ લાવવા માટે સરકાર અને હાઇકોર્ટમાં રજૂઆત કરવામાં આવી છે ત્યારે હવે હાઇકોર્ટે રાજ્ય સરકારને સૂચન કર્યું છે.
સરકાર પાસે સત્તા છે તો સરકાર કોર્ટને કેમ પૂછે છેઃ HC
ઉલ્લેખનીય છે કે, ગુજરાત હાઇકોર્ટે જણાવ્યું હતું કે, ફી માટે રાજ્ય સરકાર પાસે સત્તા છે તેમ છતાં સરકાર કોર્ટને કેમ પૂછે છે. ફી મામલે વિવાદ ગંભીર બની રહ્યો છે અને સમાધાન થયું નથી તો સરકાર આ મામલે હજી સુધી કેમ કોઇ નિર્ણય લીધો નથી.
આપને જણાવી દઇએ કે, શાળા સંચાલકોએ ફી ઘટાડવા મામલે હાઇકોર્ટમાં તૈયારી દર્શાવી છે. જો કે, કેટલી ફી ઘટાડાશે તે અંગે હજુ નિર્ણય નહીં. પરંતુ ફી ઘટાડવા અંગેની તૈયારી દર્શાવી છે.
કોર્ટે વાલીઓને આપી છે રાહત
ગુજરાત હાઇકોર્ટ તરફથી વાલીઓને સ્કૂલ ફી મામલે મોટી રાહત, કોરોના કાળમાં ફી ઉઘરાવતી શાળાઓને ફટકાર, શાળા ખુલે નહીં ત્યા સુધી ફી ની માગ નહીં, શાળાઓ વાલીઓને ફી મુદ્દે દબાણ નહી કરી શકે, શાળા ફી મુદ્દે દબાણ કરે તો DEO કાર્યવાહી કરે.