રોષ / સાબરકાંઠામાં અરેરાટી ભરી ઘટના! તબેલામાંથી ગાયનું માથું કાપીને લઈ ગયો શખ્સ

સાબરકાંઠાના વડાલી તાલુકાના નાદરી ગામમાં બનેલી ઘટનાથી અરેરાટી ફેલાઈ છે. એક પશુપાલકના તબેલામાં રહેલી ગાયનું કોઈ શખ્સ માથું કાપીને લઈ જતા VHP સહિત હિંદુ સંગઠનો અને સ્થાનિકોમાં રોષ જોવા મળી રહ્યો છે. આ કેસમાં પોલીસે ફરિયાદ નોંધીને ડૉગ સ્ક્વોડની મદદથી આરોપીઓની શોધખોળ શરૂ કરી છે. જો આરોપીઓને બને એટલા જલ્દી પકડી લેવા હિંદુ આગેવાનોએ માગ કરી છે.

વડાલીમાં અરેરાટી ભરી બની ઘટના

સામાન્ય રીતે રૂપિયા પૈસાથી લઈ સોના ચાંદીના ઘરેણાની ચોરી થતી હોય છે જોકે સાબરકાંઠાના વડાલીના નાદરી ગામે પશુપાલકના તબેલામાં રહેલી ગાયની નિર્મમ હત્યા કરી તેના મસ્તકની ચોરી થયાનો પ્રથમ કિસ્સો સામે આવતા સાબરકાંઠા જિલ્લામાં ભારે ખળભળાટ સર્જાયો છે. એક તરફ રાજ્ય સરકાર દ્વારા વિવિધ આરોપીઓ સામે પાયાનું પગલાં ભરવાની કામગીરી હાથ ધરી રહી છે. તો બીજી તરફ નાદરી ગામના પશુપાલકના તબેલામાં રહેલી ગાયની હત્યા કરી તેનું મસ્તક અજાણ્યા વ્યક્તિઓ લઈ જતા પશુપાલક સહિત સ્થાનિક વિસ્તારમાં ઘેરા પ્રત્યાઘાત પડ્યા છે.

આ પણ વાંચો: અમદાવાદના આ રસ્તાઓ રહેશે બંધ, IPL મેચોને લઈ પોલીસનું જાહેરનામું, નોટ કરી લો ટાઈમ

પોલીસે ફરિયાદ નોંધીને ડૉગ સ્ક્વોડની મદદથી કાર્યવાહી

હાલમાં આ મામલે પોલીસ મથકે ફરિયાદ નોંધાઈ છે તેમજ આરોપીઓ સુધી પહોંચવા માટે ડોગ્સકોડ સહિતની ટીમો કામે લાગી છે. જોકે આગામી ટૂંક સમયમાં આ મામલે ફરાર આરોપીઓ સામે કામગીરી ન થાય તો તેના પડઘા સમગ્ર ગુજરાત દરમાં પડશે તેવી વિશ્વ હિન્દુ પરિષદે ચીમકી ઉચ્ચારી છે. એક તરફ સમગ્ર ગુજરાત ભરમાં આરોપીઓ મામલે લિસ્ટ બનાવી તેમના લાઈટ તેમજ પાણીના કનેક્શન દૂર કરવામાં આવી રહ્યા છે સાથે સાથે ગેરકાયદેસર બનાવેલા દબાણો પણ તોડવામાં આવી રહ્યા છે તો બીજી તરફ અસમાજિક તત્વો બેફામ બની રહ્યાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ