કચ્છ: આજે અષાઢી બીજ છે. અષાઢી બીજ એટલે કચ્છી માડૂંઓનું નૂતનવર્ષ આજથી શરૂઆત થાય છે. આજે રથયાત્રાનું પાવનપર્વ પણ દેશભરમાં રંગચંગે ઉજવાઇ રહ્યું છે.
કચ્છીમાં એક દૂહો વારંવાર બોલવામાં આવે છે ગગન ગાજે ને મોરલા બોલે મથેં ચમકે વીજ હલો પાંજે કચ્છડે મેં આવઈ અષાઢી બીજ. આજથી શરૂ થતા નવવર્ષના પ્રસંગે કચ્છી લોકોએ નૂતનવર્ષની ઉજવણી કરી હતી.
ઉલ્લેખનીય છે કે સમગ્ર સૌરાષ્ટ્રમાં કચ્છ જ એકમાત્ર એવો પ્રદેશ છે જ્યાં વિશિષ્ટ ભાતીગળ પરંપરાનો ઇતિહાસ ધરબાયો છે. તેની નવા વર્ષની કચ્છ નૂતન વર્ષની ઉજવણી એ પણ એક ખાસ છે જે પરંપરા આજે પણ જીવિત છે.
સર્વે કચ્છી ભાઈ-બહેનોને આજ અષાઢી બીજથી શરુ થતા કચ્છી નવા વર્ષના નૂતન વર્ષાભિનંદન અને ખૂબ ખૂબ શુભેચ્છાઓ. pic.twitter.com/MDmVEUruMh
— Bhupendrasinh Chudasama (@BhupendraSinh1) July 14 2018
આપને જણાવી દઇએ કે આજથી શરૂ થયેલા કચ્છી નવવર્ષની એક લોકકથામાં ઉલ્લેખ કરવામાં આવ્યો છે. આ લોકકથામાં લાખો ફુલાણી પૃથ્વીનો છેડો શોધવા નીકળી પડ્યો અંતે 6 મહિનાની શોધખોળ બાદ અષાઢી બીજના દિવસે તે પરત ફર્યો અને તેણે આ દિવસને કચ્છીઓનું નવું વર્ષ તરીકે જાહેર કરતા ત્યારથી અષાઢી બીજની ઉજવણી કચ્છમાં નવવર્ષ તરીકે કરવામાં આવે છે.
ઇતિહાસમાં મળતી જાણકારી મુજબ કચ્છની સ્થાપના સંવત ૧૬૦૫માં માગસર સુદ-૫ના કરવામાં આવી હોવાનો ઉલ્લેખ જોવા મળે છે. આજથી શરૂ થતા કચ્છી નવવર્ષના રોજ કચ્છી માડૂંઓ નૂતનવર્ષની શુભકામનાઓ પાઠવે છે ઘરને પરંપરાગત રીતે શણગારવામાં આવે છે.