રાજ્યસભા ચૂંટણી / ગુજરાતમાં કોંગ્રેસના ધારાસભ્યો ‘કોરોના મુક્ત’ નું સર્ટિફિકેટ લઈને આવશે: પરેશ ધાનાણી

•  ‘કોરોના મુક્ત’ દર્શાવતું હેલ્થ સર્ટિફિકેટ લઇને ધારાસભ્યો આવશે
• વિપક્ષના નેતાની રજૂઆત
• ગુજરાતમાં 3 કેસ પોઝેટીવ

રાજ્યસભાની ચૂંટણીને લઇને કોંગ્રેસના ધારાસભ્યોને તોડવા માટે ભાજપ સંપર્ક કરી શકે નહીં અને ધારાસભ્યો તેમની સાથે જ છે તેવું સાબિત થાય તેટલા માટે ગુજરાત કોંગ્રેસે 68 ધારાસભ્યો અને બે ઉમેદવાર સહિત વિવિધ નેતાઓ જયપુરના રિસોર્ટમાં રોકાયા છે. 

 ‘કોરોના મુક્ત’ દર્શાવતું હેલ્થ સર્ટિફિકેટ લઇને ધારાસભ્યો આવશે

આ ધારાસભ્યો મતદાન માટે ગુજરાત આવશે ત્યારે તેમનું સરકાર સ્ક્રીનિંગ કરશે. જોકે, કોંગ્રેસે જ નક્કી કર્યું છે કે, તપાસમાં કોઇ અનિયમિતતા ન થાય તેટલા માટે રાજસ્થાનથી જ તપાસ કરાવીને ‘કોરોના મુક્ત’ દર્શાવતું હેલ્થ સર્ટિફિકેટ લઇને ધારાસભ્યો આવશે તેમ વિધાનસભા વિરોધ પક્ષ કોંગ્રેસના નેતા પરેશ ધાનાણીએ જણાવ્યું હતું.

ગુજરાતમાં 3 કેસ પોઝેટીવ
 
ગુજરાતમાં 3 કોરનાના કેસ પોઝેટીવ આવતા દોડાદોડ થઈ ગઈ છે. હજુ અમુક રિપોર્ટ આવવાના બાકી છે ત્યારે હજુ કોરોના પોઝેટીવનો આંક વધી શકે છે.  આવા સંજોગોમાં કોંગ્રેસના ધારાસભ્યોનું પણ સ્ક્રીનિંગ થશે. આથી ગુજરાત સરકાર સ્ક્રીનિંગ કરે અને તેમાં કોઈ ઝોલ કરવામાં આવે તેવી શંકા છે. આથી આવું સ્ક્રીનિંગ થાય તે પહેલા જ ગુજરાતના ધારાસભ્યો રાજસ્થાનથી નીકળે ત્યારે જ કોરોના મુક્ત છે કે નહીં તેની આરોગ્ય તપાસ થશે. આ તપાસનું સર્ટિફિકેટ લઇને ધારાસભ્યો આવશે તેમ વિધાનસભા વિરોધ પક્ષ કોંગ્રેસના નેતા પરેશ ધાનાણીએ જણાવ્યું હતું.