VIDEO / RAJYA SABHA ELECTIONS 2020 : ભાજપના ચાર ધારાસભ્યો બીમાર, એમ્બ્યુલન્સમાં પહોંચ્યા મત આપવા

• રાજ્યસભાની ચૂંટણીમાં ત્રણ ધારાસભ્યોના થશે પ્રોક્સી વોટ
• શંભુજી ઠાકોર,પુરુષોત્તમ સોલંકી માટે પ્રોક્સી વોટ
• કેસરીસિંહ સોલંકી માટે થશે પ્રોક્સી વોટ

રાજ્યસભાની ચૂંટણીમાં ભાજપના ત્રણ ધારાસભ્યોના પ્રોક્સી વોટ થશે. શંભુજી ઠાકોર, પુરુષોત્તમ સોલંકી, કેસરીસિંહ સોલંકી માટે પ્રોક્સી વોટ થશે. શભુજી ઠાકોરને લખતા સમયે ધ્રુજારીની બીમારી છે.  જેના કારણે શંભુજી ઠાકોર માટે રજની પટેલ પ્રોક્સી મતદાન કરશે.

પુરુષોત્તમ સોલંકી તબિયત નાદુસ્ત હોવાથી પ્રોક્સી મતદાન થશે. પુરુષોત્તમ સોલંકી માટે હીરા સોલંકી પ્રોક્સી મતદાન કરશે. કેસરીસિંહ સોલંકી રાત્રે બિમાર થતાં પ્રોક્સી મતદાન થશે. ભાજપના કેસરીસિંહ સોલંકી માટે પણ પ્રોક્સી મતદાન કરાશે.

બલરામ થવાનીને પણ વ્હીલ ચેરમાં લવાયા છે. ભાજપના 4 એમએલએ બીમાર, એમ્બ્યુલન્સ અને વ્હીલ ચેર પર મતદાન કરવા લવાયા છે.

ભાજપે 3 ઉમેદવાર તો કોંગ્રેસે 2 ઉમેદવાર  મેદાને ઉતાર્યા છે. હાલ ભાજપ પાસે છે 103 ધારાસભ્ય છે જ્યારે કોંગ્રેસ પાસે 65 ધારાસભ્ય છે. તો NCPના 1, BTPના 2 અને અપક્ષ  1 ધારાસભ્ય ગુજરાત વિધાનસભામાં છે ત્યારે આજે BTPનો મત પડશે તે ઉમેદવાર જીતશે. 

કોણ કોણ છે મેદાનમાં?

ગુજરાતમાં રાજ્યસભાની 4 બેઠકો માટે 19 જૂને ચૂંટણી યોજાઈ રહી છે. સવારે 9 થી સાંજે ચાર વાગ્યા સુધી મતદાન થશે. ત્યાર બાદ સાંજે 5 વાગ્યે મતગણતરી યોજાશે. આ ચૂંટણીમાં કોંગ્રેસમાંથી શક્તિસિંહ ગોહિલ અને ભરતસિંહ સોલંકીને મેદાનમાં ઉતાર્યા છે. જ્યારે ભાજપ વતી અભય ભારદ્વાજ, રમીલાબેન બારા અને નરહરિ અમીને ઉમેદવારી નોંધાવી છે. આ પહેલા રાજ્યસભા ચૂંટણી 26 માર્ચ 2020ના રોજ યોજાવાની હતી. પરંતુ કોરોનાને કારણે ચૂંટણી મોકૂફ રાખવામાં આવી

કોંગ્રસના 8 ધારાસભ્યોએ રાજીનામાં આપ્યા હતા

ધારીના ધારાસભ્ય જે.વી.કાકડિયા, લીંબડીના ધારાસભ્ય સોમા પટેલ, અબડાસાના ધારાસભ્ય પ્રદ્યુમનસિંહ જાડેજા, ગઢડાના ધારાસભ્ય પ્રવિણ મારૂ, ડાંગના ધારાસભ્ય મંગળ ગાવિત, કરજણના અક્ષય પટેલ, કપરાડાના જીતુ ચૌધરી, મોરબીના બ્રિજેશ મેરજાએ રાજીનામાં આપ્યા છે.