કોંગ્રેસના ધારાસભ્યોની ગુજરાત વિધાનસભા ગૃહમાં ગેરહાજરીમાં નાયાબ મુખ્યમંત્રી નીતિન પટેલે ફીરકી ઉતારી હતી. નીતિન પટેલે કોંગ્રેસના ધારાસભ્યોના જયપુરમાં ધામા વિશે કટાક્ષ કર્યો હતો. હાલ રાજ્યસભાની ચુંટણીને લઈને ગુજરાતામાં કોંગ્રેસ અને ભાજપમાં રાજકારણ ગરમાયું છે ત્યારે કોંગ્રેસના પાંચ ધારાસભ્યો રાજીનામું આપી ચુક્યા છે ત્યારે ગુજરાતમાં કોંગ્રેસ પોતાનો ગઢ બચાવવા રાજસ્થાનના જયપુરમાં ધામા નાંખ્યા છે.
ગૃહમાં નીતિન પટેલના કોંગ્રેસ પર પ્રહાર, નીતિન પટેલે કોંગ્રેસ પર કર્યો કટાક્ષ
"કોંગ્રેસ શબ્દ ડિકશનરીમાં કાઢવો પડશે"
"કોંગી MLA કોરોનાગ્રસ્ત વિસ્તારમાં છે"
વિધાનસભા ગૃહમાં નીતિન પટેલનું નિવેદન
કોંગ્રેસના સભ્યોની સર્કિટ બગડી ગઈ છે. કોઈની લાઈટ 2 કે 5 દિવસે ચાલુ થાય છે. કોંગ્રેસના સભ્યોની ગેરહાજરીમાં નીતિન પટેલ કોંગ્રેસ પર પ્રહાર કર્યા હતા. વિધાનસભા ગૃહમાં નીતિન પટેલના કોંગ્રેસ પર કટાક્ષ કર્યા હતા. મેચ રમવી હોય તો નબળી ટિમ હોવી જોઈએ. આપણે બેટિંગ કરીશું તેઓને ફિલ્ડિંગ ભરાવવા જરૂર પડશે. આપણે આજીવન બેટિંગ કરવાની છે. વિધાનસભા ગૃહમાં કોંગ્રેસ પર નીતિન પટેલ વરસ્યા હતા. કોંગ્રેસ શબ્દ ડિકશનરીમાં કાઢવો છે?
કોંગ્રેસના ધારાસભ્યો કોરોનાગ્રસ્ત વિસ્તારમાં ગયા છે
ત્યાર બાદ તેમણે કોંગ્રેસના ધારાસભ્યોના જયપુરમાં રોકાવવાને લઈને પ્રદીપસિંહને સૂચન કર્યું છે કે, કોંગ્રેસનુ ધ્યાન રાખજો, તેમના ધારાસભ્યો સ્વિમિંગ પુલમાં ધુબાકા ન મારે. કોંગ્રેસના ધારાસભ્યો કોરોનાગ્રસ્ત વિસ્તારમાં ગયા છે. જો કોઈને કોરોનાની અસર થશે તો, રાજસ્થાન સરકાર જવાબદર હશે. સાથે જ તેમણે કહ્યું કે, કોંગ્રેસના ધારાસભ્યો ગુજરાતમાં આવે ત્યારે બોર્ડર પર ચકાસણી કરવાની જવાબદારી પ્રદીપસિંહની છે.