ગુજરાત રાજ્યસભાની ચૂંટણીમાં ખેલ ખરાખરીનો જામ્યો છે ત્યારે કોંગ્રેસ પાસે પુરતુ સંખ્યાબળ રહ્યુ નથી તેના પાંચ ધારાસભ્યો પહેલા જ રાજીનામું આપી ચુક્યા છે અને કેટલાક હજુ કતારમાં હોવાનું મનાઈ રહ્યું છે એવામાં હાઈકમાન્ડ બે ઉમેદાવોરને ચૂટંણી લડાવશે કે નહીં તે પ્રશ્ન છે ત્યારે આજે ઉમેદવારી ફોર્મ પરત ખેંચવાનો આખરી દિવસ છે. ગઈ કાલે શક્તિસિંહ અને ભરતસિંહ બંનેને દિલ્હીથી તેડુ આવ્યું હતુ એ બેઠકમાં શું નક્કી થયું તે આજે ખબર પડશે.
ઉમેદવારી ફોર્મ પાછુ ખેંચવાનો આજે છેલ્લો દિવસ
સોનિયા ગાંધીનો ફેંસલો હજુ બાકી છે
કોણ બાજી મારશે?
આજે સોનિયા ગાંધી બંને ઉમેદવારોની રાજ્યસભાની બેઠક માટેની ઉમેદવારી માટે નિર્ણય લેશે. આમ તો કાલે જ ભરતસિંહ સોલંકીના આગ્રહને વશ થઈને હાઈકમાન્ડ પણ બંનેને ઉભા રાખવા મંજૂર થઈ ગયુ હતુ પરંતુ હજુ સોનિયા ગાંધીની મહોર વાગવાની બાકી છે. આજે ઉમેદવારી ફોર્મ પાછુ ખેંચવાનો અંતિમ દિવસ છે.
શું થયુ દિલ્હીમાં?
દિલ્હીમાં મળેલી બેઠકમાં નિર્ણય લેવાઓ છે કે, રાજ્યસભામાં ગુજરાત કોંગ્રેસના બંન્ને ઉમેદવારો ચૂંટણી લડશે. કોંગ્રેસના એકપણ ઉમેદવાર ફોર્મ પરત નહી ખેંચે.
પહેલા નંબર પર શક્તિસિંહ ગોહીલ રહેશે ઉમેદવાર
બીજા નંબર પર ભરતસિંહ સોલંકી ઉમેદવાર રહેશે
કોંગ્રેસ દાવો કરી રહી છે કે તે રાજ્યસભાની બંને બેઠકો જીતશે
કોંગ્રેસના પાંચ ધારાસભ્યોએ રાજીનામા ધરી દેતા હાલ ગુજરાતમાં રાજકીય માહોલ ચરમસીમાએ પહોંચી ચૂક્યો છે. સામાન્ય રીતે તો કોંગ્રેસની રાજ્યસભાની એક બેઠક ગૂમાવી ચૂકી છે. છતાં હજું કોંગ્રેસની આશા અમર છે. કોંગ્રેસ દાવો કરી રહી છે કે તે રાજ્યસભાની બંને બેઠકો જીતશે.
કોંગ્રસના 5 ધારાસભ્યોના રાજીનામાં
ધારીના ધારાસભ્ય જે.વી.કાકડિયા
લીંબડીના ધારાસભ્ય સોમા પટેલ
અબડાસાના ધારાસભ્ય પ્રદ્યુમનસિંહ જાડેજા
ગઢડાના ધારાસભ્ય પ્રવિણ મારૂ
ડાંગના ધારાસભ્ય મંગળ ગાવિત
ક્યારે છે ચૂંટણી
26મી માર્ચે ગુજરાતમાં રાજ્યસભાની ચાર બેઠકો માટે ચૂંટણી યોજાવાની છે. જેમાં ભાજપે પોતાના 3 ઉમેદવારો અને કોંગ્રેસે પોતાના 2 ઉમેદવારો ઉભા રાખ્યા છે.