રાજ્યસભાને લઇને મોટા સમાચાર સામે આવ્યા છે. સૂત્રો દ્વારા જાણવા મળ્યુ છે કે, ભાજપના બે ધારાસભ્યો કોંગ્રેસના સંપર્કમાં છે. આ ધારાસભ્યો રાજયસભામાં ક્રોસ વોટ કરે તેવો ભાજપને ડર છે.
VTV ન્યૂઝ પાસે રાજ્યસભાની ચૂંટણીને લઇને મહત્વના સમાચાર
ભાજપના બે ધારાસભ્યો કોંગ્રેસના સંપર્કમાં-સૂત્ર
રાજયસભામાં ક્રોસ વોટ કરે તેવો ભાજપને ડર-સૂત્ર
ભાજપના ધારાસભ્યો કોંગ્રેસના સંપર્કમાં હોવાનું જાણવા મળ્યુ છે. અને આ ધારાસભ્યો ભાજપનો રાજ્યસભાનો ખેલ બગાડી શકે તેમ છે. આ ધારાસભ્યો ઉપર હાલ તો ભાજપના જ એક મંત્રી બાજ નજર રાખી રહ્યા છે પણ જો નજર ચૂકી તો દુર્ઘટના ઘટી જેવો ઘાટ ઘડાય તેમ છે.
બન્ને ધારાસભ્ય પર ભાજપના એક મંત્રીની બાજ નજર છે. મધ્ય ગુજરાતના બે ધારાસભ્ય હાલ નારાજ છે. બન્ને ધારાસભ્યો હાલ કોંગ્રેસના મોટા નેતાના સંપર્કમાં છે. ગઇકાલે ધારાસભ્યએ મુખ્યમંત્રી સાથે પણ મુલાકાત કરી હતી. મુલાકાત બાદ ધારાસભ્યનું મન કળવું હાલ મુશ્કેલ બની રહ્યુ છે.
આવતી કાલે છે રાજ્યસભાની ચૂંટણી
રાજ્યસભાની ચૂંટણીમાં સવારે 9 વાગ્યાથી સાંજે 4 વાગ્યા સુધી મતદાન કરવામાં આવશે. સાંજે 5 વાગ્યા પછી મતગણતરી હાથ ધરવામાં આવશે. ગુજરાત વિધાનસભાના ચોથા માટે મતદાન અને મતગણતરી કેન્દ્ર ઊભું કરવામાં આવ્યું છે. મતદાન મથકની બહાર રાજ્ય સભાના પાસે ઉમેદવારોના ફોટા સાથેની માહિતી પણ લખવામાં આવ્યા છે. તો સાથે જ ભાજપ અને કોંગ્રેસના તમામ પાંચ ઉમેદવારોને નંબર આપવામાં આવ્યા છે. મતદાન મથકની બહાર આપવામાં આવેલા ક્રમાંકમાં પહેલો ક્રમાંક તરીકે અભય ભારદ્વાજ ભાજપના ઉમેદવાર છે. આ ક્રમાંકની આધારે બાકીના મેન્ડેટ પ્રમાણે ધારાસભ્યો મતદાન કરશે.
પહેલો ક્રમાંક તરીકે અભય ભારદ્વાજ, ભાજપ
બીજા ક્રમાંકમાં નરહરી અમીન, ભાજપ
ત્રીજા ક્રમાંકે શક્તિસિંહ ગોહિલ, કોંગ્રેસ
ચોથા ક્રમાંકમાં રમીલાબેન બારા, ભાજપ
પાંચમા ક્રમાંકે ભરતસિંહ સોલંકી, કોંગ્રેસ
મતદાન મથક અને મતગણતરી સ્થળને સંપૂર્ણ સેનેટાઈઝર કરવામાં બાદ જ મતદાન અને મતગણતરી હાથ ધરવામાં આવશે. આ માટે ખાસ તકેદારી રાખવામાં આવનાર છે. ચૂંટણીમાં કોરોના મહામારીને લઈ ખાસ તકેદારીના પગલાં લેવાશે. વિધાનસભા પ્રવેશ પહેલા મેડિકલ ટીમ તપાસ કરશે. મેડિકલ ટીમ દ્વારા ધારાસભ્યોને થર્મલ ગનથી તપાસ થશે. સભ્યોને સેનિટાઇઝર આપવામાં આવશે. સભ્યો પાસે માસ્ક નહિ હોય તેને માસ્ક પણ આપવાની વ્યવસ્થા કરવામાં આવશે
ચૂંટણી પહેલા બે વાર મતદાન સ્થળનું સેનિટાઇઝેશન થશે. સેનિટાઇઝેશન અને મેડિકલ તપાસ માટે આરોગ્ય વિભાગની ટીમ તૈનાત રહેશે. ઉલ્લેખીય છે કે, આ માટે કેન્દ્રીય ચુંટણી પંચ સાથે ગુજરાત ચુંટણી આયોગની વીડિયો કોન્ફરન્સ યોજાઈ હતી. રાજ્યસભાની ચૂંટણી દરમિયાન સ્પેશિયલ ઓબ્ઝર્વર ઉપસ્થિત રહેશે, જે દિલ્હીથી ગુજરાત આવ્યા છે. મતદાનથી મતગણતરીની પ્રક્રિયા પૂર્ણ થાય ત્યાં સુધી સ્પેશિયલ ઓબ્ઝર્વર ઉપસ્થિત રહેશે. સમગ્ર મતદાન પ્રક્રિયાની વીડિયોગ્રાફી કરવામાં આવશે. પહેલી વાર વીડિયોગ્રાફી સાથે સીસીટીવી કેમેરા દ્વારા પણ નજર રખાશે એટલું જ નહીં પણ વેબકાસ્ટિંગ દ્વારા દિલ્હીથી પણ અધિકારીઓ નજર રાખી શકશે.