હડકંપ / BREAKING : ગુજરાતમાં વધુ એક પેપરકાંડ? PGVCLની પરીક્ષાના પેપરનું સિલ તૂટેલું મળતા મચ્યો ખળભળાટ

• રાજકોટમાં PGVCLની પરીક્ષાનું પેપર ફૂટ્યા હોવાનો આક્ષેપ
• પેપર ઉમેદવારના હાથમાં આવ્યું ત્યારે પેપરનું સિલ તૂટેલું હતું
• 20 ઉમેદવારઓએ પેપરના સિલના તૂટેલા હોવાનો આક્ષેપ
• PGVCLની વિદ્યુત સહાયકની હતી પરીક્ષા

મળતી જાણકારી પ્રમાણે, આજરોજ PGVCLની પરીક્ષાનું આયોજન રાજ્યના વિવિધ સેન્ટર્સ પર કરવામાં આવ્યું હતું જેમાં રાજકોટના એક સેન્ટર પર પેપર ફુટ્યું હોવાનો પરીક્ષાર્થીએ દાવો કરતા કિસ્સો ટોક ઓફ ધ ટાઉન બન્યો છે. 

રાજકોટમાં PGVCLની વિદ્યુત સહાયકની પરીક્ષાનું પેપર ફૂટ્યું હોવાનો ઉમેદવારોનો આક્ષેપ, 20 જેટલાં ઉમેદવારના પેપરના સિલ તૂટેલા હોવાનો આક્ષેપ#Rajkot #PGVCL #PGVCLVidyutSahayak

— VTV Gujarati News and Beyond (@VtvGujarati) May 29, 2022

એક સામટા 20 ઉમેદવારોને તૂટેલા સિલ વાળું પેપર મળતા અનેક તર્ક વિતર્ક

ઉમેદવારે દાવો કર્યો છે કે, પેપર ઉમેદવારના હાથમાં આવ્યું ત્યારે તેનું સિલ તૂટેલું હતું, આવું એક નહીં પરંતુ 20 ઉમેદવારોને મળેલા પેપરમાં જોવના મળતા અનેક તર્ક-વિતર્ક સર્જાયા હતા. 

રાજકોટની કાંતિલાલ અમૃતલાલ સ્કૂલમાં બની ઘટના 

ઉલ્લેખનીય છે કે, રાજકોટના વિવિધ કેન્દ્ર પર સવારે પરીક્ષાનું આયોજન કરવામાં આવ્યું હતું. જેમાં શહેરની કાંતિલાલ અમૃતલાલ સ્કૂલમાં 20 જેટલા વિદ્યાર્થીઓને તૂટેલા સિલ વાળું પેપર મળતા હડકંપ મચી જવા પામ્યો હતો. 

યુવરાજ સિંહે આપ્યું નિવેદન

વિદ્યાર્થી નેતા યુવરાજ સિંહ જાડેજા સમગ્ર મામલે મેદાને આવ્યા હતા અને તેમણે રાજ્યમાં બનેલી તૂટેલા સિલવાળા પેપેરની ઘટનાને વખોડી હતી અને સમગ્ર મામલે તપાસના માગણી કરી હતી. સાથે તેમણે વધુમાં એમ પણ જણાવ્યું કે, પ્રિન્ટીંગ પ્રેસથી લઈને સ્ટ્રોંગ રૂમની પણ કડક રીતે તપાસણી થવી જોઈએ. 

શાળા પર ક્રાઈમ બ્રાન્ચ અને SOGની ટીમ પહોંચી 

બનાવ અંગેની જાણ થતાં જ રાજકોટ પોલીસ તાબડતોબ એક્શનમાં આવી હતી અને ઘટનાની ગંભીરતાથી નોંધ લઈને રાજકોટ સ્થિત કાંતિલાલ અમૃતલાલ સ્કૂલમાં તપાસાર્થે પહોંચી હતી. 

એડી.જનરલ મેનેજરનું નિવેદન

PGVCLની પરીક્ષાનું પેપર ફૂટ્યા હોવાના આક્ષેપ પર બોલ્યા એડી.જનરલ મેનેજરે મહત્વનું નિવેદન આપ્યું હતું. તેમમે જણાવ્યું કે, પેપર પ્રિન્ટીંગ બાદ મશીનથી સીલ થતું હોય છે અને પેપરનું બોક્સ સીલ જ હતું અને બ્લોકમાં ગયા ત્યારે પણ પેપર સીલ જ હતા. 

સાથે જ તેમણે એમ પણ જણાવ્યું કે, અમારી પાસે તમામ પ્રક્રિયાના રેકોર્ડિગ છે. પેપર કોઈપણ રીતે ફુટ્યું નથી અને આજે યોજાયેલી PGVCLની પરીક્ષામાં કોઈ જ પ્રકારની ગેરરીતિ નથી થઈ. 

અત્યાર સુધીમાં રાજ્યમાં ફુટેલા પેપરની વિગત

• 2016માં મુખ્ય સેવિકાનું પેપર ફટ્યું 
•  2017માં તલાટી મંત્રીનું પેપર ફૂડ્યું 
•  2017માં પ્રાથમિક શિક્ષકો માટેની પરિક્ષાનું ટેટનું પેપર ફૂડ્યું 
•  2018માં હાયર સેકન્ડરીનું ટાટનું પેપર ફૂડ્યું 
•  2018માં નાયબ ચીટનીશનું પેપર ફટ્યું 
•  2018માં વન રક્ષકની પરિક્ષાનું પેપર કેન્સલ કરવામાં આવ્યું
•  2018  એલઆરડીની પરિક્ષાનુ પેપર ફટ્યું 
•  2019  સચિવલયમાં ક્લાર્કની પરિક્ષાનું પેપર ફટ્યુ
• 2021 સબ ઓડિટરનું પેપર લીક થયું 
• 2021માં હેડ ક્લાર્કની પરિક્ષાનું પેપર ફૂટ્યું