વિવાદ / રાજકોટના રાજકારણમાં ભડકો: ભાજપ જ ભાજપનું વિરોધી, જસદણમાં ભરત બોઘરા સામે પડ્યા આ નેતા

• જસદણમાં ભાજપનો આતંરિક વિવાદ સપાટી પર 
• ભાજપ નેતા ભરત બોઘરા સામે વિરોધ
• ભાજપના જ નેતા પોપટ રાજપરાએ નોંધાવ્યો વિરોધ

ભાજપના જ નેતા પોપટ રાજપરાએ નોંધાવ્યો વિરોધ

ભાજપના નેતા પોપટ રાજપરા જ જસદણમાં વિરોધ નોંધાવી રહ્યા છે. પોપટ રાજપરાનો મેસેજ વાઈરલ થયો છે. પોપટ રાજપરા જસદણ માર્કેટિંગ યાર્ડના પૂર્વ ચેરમેન છે. તેમનો ભરત બોઘરા વિશેનો મેસેજ વાઈરલ થતા ભાજપમાં આંતરિક જંગ છેડાઈ ગયો છે. 

ભરત બોઘરાને જિલ્લા પ્રમુખ કેવી રીતે બનાવી શકાય? 

ભરત બોઘરાને રાજકોટ જિલ્લા પ્રમુખ બનાવવાની ચર્ચા ચાલી રહી છે. ત્યારે આ મેસેજમાં પોપટે કહી રહ્યા છે કે, ભરત બોઘરાને જિલ્લા પ્રમુખ કેવી રીતે બનાવી શકાય? પેટાચૂંટણીમાં ભરત બોઘરાએ પાર્ટી વિરુદ્વ કામ કર્યુ છે. આ આક્ષેપોની સાથે સાથે ભરત બોઘરા પર મેસેજમાં ભ્રષ્ટાચારના પણ આક્ષેપ કરાઈ રહ્યા છે. 

રાજકોટના રાજકારણમાં ગરમાવો

ચૂંટણીમાં પાર્ટી ફંડના નાણાં ચાઉ કર્યાનો મેસેજમાં આક્ષેપ કરવામાં આવ્યો છે જેને પગલે વાઈરલ મેસેજથી રાજકોટના રાજકારણમાં ગરમાવો આવ્યો છે.