હોનારત / રાજકોટ GIDCમાં લાગેલી વિકરાળ આગ પર મેળવાયો કાબૂ,, 4 ફાયર ફાઈટર સહિત 7 લોકો દાઝ્યા

• ચીફ ફાયર ઓફિસર સહિત 7 લોકો દાઝ્યા
• 20 ફાયર ટીમ દ્વારા આગ પર કાબુ મેળવવાયો કાબૂ
• મોરબી, જામનગરથી ફાયર ફાઇટરો મંગાવાયા

નેપ્થાની પ્રોસેસિંગ ફેક્ટરી હોવાથી આગે એકાએક વિકરાળ સ્વરૂપ ઘારણ કરી લીધું હતું. આ ઉપરાંત ચીફ ફાયર ઓફિસર અને 4 ફાયર જવાન સહિત 7 લોકો દાઝ્યા છે. ફાયર ફાઈટરની ટીમો આગને કાબૂમાં લેવા કલાકો સુધી પ્રયત્નો કર્યા હતા.  પોલીસ અને તંત્ર સહિત અનેક અધિકારીઓનો કાફલો ઘટનાસ્થળે પહોંચ્યો હતો. ત્યારે ચાર કલાકની જહેમત બાદ અંતે આગ પર કાબૂ મેળવાયો છે.

નેપ્થામાં આગ લાગી હોવાના કારણે કાબૂમાં આવી નથી રહી. કારણે કે નેપ્થાને પાણીથી ઓલવવું મુશ્કેલ છે. ઉપરાંત જો અગાઉની થોડી મિનિટોમાં ન ઓલવવામાં આવે તો તેને સળગવા દેવું પડે છે. કિલોમીટરો સુધી ધુમાડાના ગોટે ગોટા દેખાયા હતા. નજીકની તમામ ફેક્ટરીમાં ખાલી કરાવાય છે. આજુ બાજુની ફેક્ટરીના જ્વલનશીલ પદાર્થો ખસેડાયા છે. કરોડો રૂપિયાના નુકાશાનની ભીતિ છે.

બ્રિગેડ કોલ કોને કહેવાય

ફાયર વિભાગ દ્વારા જ્યારે પણ આગ અત્યંત વિકરાળ સ્વરૂપ ધારણ કરે અથવા તેવી દહેશત જણાય એટલે બ્રિગેડ કોલ જાહેર કરે છે. બ્રિગેડ કોલ જાહેર કરવાની સત્તા માત્ર જે-તે વિભાગના ચીફ ફાયર ઓફિસરની હોય છે. બ્રિગેડ કોલ આપવાનો મતલબ એવો થયો કે જે-તે વિભાગના તમામ ફાયર ફાઈટર્સ અને ફાયરમેન ને જે સ્થળે આગ લાગી હોય ત્યાં ત્વરિત પહોંચી જવાનો હુકમ કરાય છે. એટલું જ નહીં, સરકારી કે મ્યુનિ.ના તાબા હેઠળના તમામ ફાયર ફાઈટર્સ ઉપરાંત કોઈ પણ ખાનગી સંસ્થા કે એકમ પાસે પોતાના ફાયર ફાઈટર્સ હોય તો તેને પણ બ્રિગેડ કોલની સ્થિતિમાં આગ લાગી હોય તે સ્થળે તાત્કાલિક પહોંચી જવા આદેશ કરાયા હતા.