રાજકોટ સહિત ગુજરાતના હજારો પરિવારો સાથે થયેલ છેતરપિંડી કાંડમાં આજ સુધી કાર્યવાહી કરવામાં ન આવતા લોકોમાં રોષ ફેલાયો છે.
લાલચમાં કરોડો રૂપિયા ગયા!
ગરીબ લોકો પાસેથી કરોડોની લૂંટ
5 વર્ષ પહેલા કંપની ઉઠી ગઈ, હજુ સુધી કાર્યવહી ન થઈ
લોકોને મોટા નાણાની લાલચના નામે અંબા-આંબલી બતાવી છેતરપિંડી આચરવા અનેક લેભાગુ તત્વો રીતસરની દુકાનો ખોલીને બેઠા છે. અનેક વખત આવી કંપનીઓ અને શખ્સો સામે ફરિયાદો ઉઠતી હોય છે. આવો જ એક કિસ્સો રાજકોટમાં આશરે પાંચ વર્ષ અગાઉ પ્રકાસમાં આવ્યો હતો. રાજકોટમાં રોજનું કમાઈને રોજનું ખાતા શાકભાજીના ધંધાર્થી, નાની મોટી દુકાન ધરાવતા વેપારીઓ ના 1 કરોડથી વધુ રૂપિયા લઈને સ્કાયલાકા લેન્ડ ડેવલોપર્સ એન્ડ ઈફ્રાસ્ટક્ચર કંપનીએ ઉઠામણું કર્યું હતું. જે રૂપિયા ગયા અને પોલીસ ફરિયાદ નોંધાયાની આજે 5 વર્ષે જેટલો લાંબો સમય વીતી ગયો છે. છતાં આજ સુધી ન્યાય ન મળતા ગરીબ પરિવારો રસ્તા પર ઉતાર્યા હતા.
રાજકોટની જનતાના 1 કરોડ રૂપિયા ફસાયા!
સ્કાયલાકા લેન્ડ ડેવલોપર્સ એન્ડ ઈફ્રાસ્ટક્ચર કંપનીએ ન માત્ર રાજકોટમાં જ પોતાની બ્રાન્ચ ખોલીને નાના માણસોને ફસાવ્યા પરંતુ સમગ્ર રાજ્યમાં પોતાની બ્રાન્ચો ખોલીને લોકોને ફસાવ્યા હોવાની ફરિયાદ ઉઠી છે.અંદાજ મુજબ સમગ્ર રાજ્યની જનતાના 60 કરોડથી વધુ રૂપિયા ફસાયા હોવાનું જાણવા મળી રહ્યું છે. ભેજાબાજ કંપનીના માલિકોએ શરૂઆતમાં એજન્ટો મારફતે લોકોને લોભામણી લાલચો આપી અને સારા વ્યાજ સાથે એક-બે વખત રૂપિયા પરત પણ અપાવ્યા હતા. ત્યારબાદ ઇન્વેસ્ટની રકમના નામે જેવા કરોડો રૂપિયા ભેગા થયા કે, કંપનીએ પોતાના બોરીયા-બિસ્તરા બાંધી અને ચાલતી પકડી લીધી હતા. ત્યારબાદ લોકોને છેતરપિંડીનો ભોગ બન્યા હોવાનું ભાન થતાં સામાન્ય લોકોના પગ નીચેથી જમીન સરકી ગઈ હતી. જેથી લોકોએ તાત્કલીક પોલીસ મથકે દોડી જઈ ફરિયાદ નોંધી હતી.
મુખ્યમંત્રીને પણ રજૂઆત કરાઇ
રૂપિયા પરત અપાવવાની વાત તો દૂર આજ સુધી નકલી કંપનીનો માલિક પણ પોલીસ પકડમાં ન આવતા લોકોમાં રોષ ફેલાયો છે. અહીં સવાલ એ થાય છે કે, કોઈ કંપની ગુજરાતમાં સ્થપાય તો તેની નોંધ સરકારમાં કેમ નથી હોતી? કરોડો રૂપિયાનું ઉઠામણું કરનાર કંપનીના માલિકો ક્યાં છુપાયા હશે? જો આજ દિવસ સુધી પોલીસની નજરમાં ન આવ્યા. ગરીબ લોકોને મહેનતના પૈસા પાછા મળશે? હાલ તો આ તમામ લોકો ઉઠામણું કરેલ કંપનીની મિલકત જપ્ત કરીને પોતાના રૂપિયા પરત મળે તેવી માગ કરી રહ્યા છે. આ મામલે મુખ્યમંત્રીને પણ રજૂઆત કરવામાં છે. હવે આ મામલે કોઇ કાર્યવાહી થાય છે કે કેમ? તે જોવાનું રહ્યું.