એક લાલબત્તી સમાન કિસ્સો સામે આવ્યો છે. આજકાલ ઓનલાઈન ગેમની એ સામાન્ય વાત બની ગઈ છે હરકોઈ પોતના મોબાઈલમાં ગેમ રમી શકે છે એવામાં ઓનલાઈન પોકરમાં લાખો રૂપિયા હારી જવાથી એક યુવકે આપઘાત કરી લીધો હોવાની ઘટના સામે આવતા સમગ્ર રાજકોટમાં અરેરાટી ફેલાઈ ગઈ હતી.
સુસાઈડ નોટમાં મોતનો ચિતાર આવ્યો સામે
ઓનલાઈન પોકરમાં હારી ગયો હતો લાખો રૂપિયા
તેના ID પરથી પોલીસ પોકર સુધી પહોંચી
ઓનલાઈન ગેમને લીધે રાજકોટમાં એક યુવકે આપઘાત કરી લીધો છે. મજા લેવા માટે શરૂઆતમાં શરૂ કરેલી પોકર ગેમ તેને માટે મોતની ગેમ પુરવાર થઈ છે. આ અંબિકા ટાઉનશીપમાં કુણાલ મહેતાની આત્મહત્યામાં ચોંકાવનારી વિગતો સામે આવી હતી. આ કિસ્સા પરથી ઓનલાઈન રમાતા જુગારમાં લાખો યુવાનો જ નહીં પરંતુ વૃધ્ધો અને ગૃહિણીઓ તેમજ વિદ્યાર્થીઓ પણ ગેમના વ્યસની હોવાનું સામે આવ્યુ છે.
રાજકોટના મોટા મહુવામાં કૂવામાંથી ગુરૂવારે વહેલી સવારે કૃણાલની લાશ મળી આવી હતી. 39 વર્ષનો કૃણાલ બે બાળકો અને પત્નિ સાથે સુખી સંસાર વિતાવતો હતો પણ ઓનલાઈન પોકરની લતે તેનો જીવ લીધો
કેમ ભર્યુ અંતિમ પગલુ
કુણાલ મહેતાએ આપઘાત કરીને સુસાઈડ નોટ લખી હતી જેમાં તેણે ઉલ્લેખ કર્યો હતો કે પોતે ઓનલાઈન ગેમમાં પૈસા હારી ગયો છે અને એટલે તે આવું અંતિમ પગલુ ભરી રહ્યો છે. આ નોટ પોલીસને મળી આવી હતી જેના આધારે તપાસના ચક્રો ગતિમાન કરવામાં આવ્યા હતા.
કૂવો પૂર્યો
બે સંતાનોના પિતા કૃણાલે બુધવારની રાતે ગરબા પતાવ્યા બાદ કૂવામાં કૂદીના આપઘાત કરી લીધો હતો. ગુરુવારે વહેલી સવારે તેની બોડી મળી આવી હતી. અને તેના ખીસ્સામાંથી સુસાઈડ નોટ મળી આવી હતી. કૃણાલ મહેતા તેની પત્નિ અને બે બાળકો સાથે અંબિકા ટાઉનશીપમાં રહેતો હતો અને ખાનગી કંપનીમાં નોકરી કરતો હતો. બુધવારે પરિવાર સાથે ગરબા માણ્યા બાદ કૃણાલે આ અંતિમ પગલુ ભર્યુ હતુ.
પોલીસ ID ઉપરથી પહોંચી પોકર સુધી
આપઘાત બાદ પોલીસને મળી આવી સ્યુસાઇટ નોટને આધારે તાલુકા પોલીસે પૂછપરછ અને આગળની તપાસ શરૂ કરી હતી. ઓનલાઇન ગેમોમાં ID પરથી લાખોનો ઓનલાઈન જુગાર રમાયો હોવાનું જાણવા મળ્યુ હતુ. કૃણાલ પોકરમાં લાખો રૂપિયા હારી ચુક્યો હતો. તેની ID ઉપરથી પોકરમાં જ લાખો રૂપિયાના નાણાકિય વ્યવહારની પણ નોંધ મળી આવી છે. આ રેકોર્ડને પગલે પોકરે જ યુવાનનો જીવ લીધો છે.