કોરોના સંકટ / રાજ્યસભાની ચૂંટણીને લઇને ગાંધીનગરમાં મતદાન કેન્દ્ર પાસે ઊભો કરાયો કોરોના વોર્ડ

• ગાંધીનગરમાં મતદાન કેન્દ્ર પાસે કોરોના વોર્ડ ઉભો કરાયો
• કોરોના વોર્ડમાં ડોકટર અને મેડિકલ સ્ટાફ હાજર રહેશે
• કોરોના સંક્રમિત કે સંપર્કમાં આવેલા MLA છેલ્લે કરશે મતદાન

આવતીકાલે રાજ્યસભા ચૂંટણી માટે રાજ્યના પાટનગર ગાંધીનગર ખાતે મતદાન કરવામાં આવશે. ગાંધીનગરમાં મતદાન કેન્દ્ર પાસે કોરોના વોર્ડ ઉભો કરવામાં આવ્યો છે. કેન્દ્રીય ચૂંટણીપંચની ગાઈડલાઇન પ્રમાણે આ વોર્ડ ઉભો કરાયો છે.

કોરોના દર્દીના સંપર્કમાં આવેલા MLAને મતદાન દરમિયાન આ વોર્ડમાં રાખવામાં આવશે. આ સાથે કોરોના પોઝિટિવથી નેગેટિવ થયેલા MLAને પણ કોરોના વોર્ડમાં રખાશે.

જ્યારે બીજી તરફ રાજ્યના કન્ટેનમેન્ટ ઝોનમાં રહેતા MLAને પણ આવતી કાલે ગાંધીનગર ખાતે મતદાન કેન્દ્ર પાસેના કોરોના વોર્ડમાં રાખવામાં આવશે. કોરોના વોર્ડમાં ડોકટર અને મેડિકલ સ્ટાફ હાજર રહેશે. કોરોના સંક્રમિત કે સંપર્કમાં આવેલા MLA છેલ્લે મતદાન કરશે. આરોગ્ય અધિકારીની નોડલ અધિકારી તરીકે નિમણુંક કરાઈ છે.

કોને-કોને કોરોના વોર્ડમાં રાખવામાં આવશે

• કોરોના દર્દીના સંપર્કમાં આવેલા MLAને મતદાન દરમિયાન વોર્ડમાં રખાશે
• કોરોના પોઝિટિવથી નેગેટિવ થયેલા MLAને કોરોના વોર્ડમાં રખાશે
• કન્ટેનમેન્ટ ઝોનમાં રહેતા MLAને કોરોના વોર્ડમાં રખાશે