માવઠું / વાતાવરણમાં પલટો: કચ્છ અને સૌરાષ્ટ્રમાં પડ્યા વરસાદી ઝાપટા, જાણો આજે હવામાન વિભાગની આગાહી શું?

• કમોસમી વરસાદની આગહી
• 2 દિવસ રહેશે કમોસમી વરસાદ
• રાજ્યમાં ઠંડીમાં થશે વધારો

ભર-શીયાળે વરસી રહેલા વરસાદે રાજ્યના ખેડુતોની ચિંતામાં વધારો કર્યો છે.. આ કમોસમી વરસાદ કચ્છના વિસ્તારોમાં બંધ થવાનુ નામ જ નથી લઈ રહ્યો...આજે કચ્છના ખીરઈ ગામે કરાનો વરસાદ પડ્યો છે..રાપરના ખીરઈ ગામે પવન સાથે કરાનો વરસાદ પડતાં ઉભા પાકને ભારે નુકસાન પહોંચ્યુ છે.તમને જણાવી દઈયે કે, કચ્છમાં સતત ત્રણ દિવસથી માવઠાની અસર જોવા મળી રહી છે..ત્યારે રાપરના ખીરઈ ગામે કરા સાથે વરસાદ વરસતાં ખેડૂતોની મુશ્કેલીમાં વધારો થયો છે. પુર્વ કચ્છના ભચાઉમાં સતત દિવસે પણ કમોસમી વરસાદ વરસ્યો છે.ભચાઉના ગ્રામ્ય વિસ્તારમાં પવન સાથે વરસાદ પડતાં ઠંડીનુ મોઝુ ફરી વળ્યુ છે... આ કમોસમી વરસાદથી રવિ પાકને નુકશાન થવાની શક્યતા જોવા મળી રહી છે. 

પોરબંદરમાં વરસાદી ઝાપટા
વેસ્ટર્ન ડિસ્ટર્બન્સને પગલે ગુજરાતમાં અનેક સ્થળો પર ઝરમર વરસાદ વરસ્યો છે.પરંતુ પોરબંદરના બરડા પંથકમાં અન્ય વિસ્તારની તુલનામાં વધારે વરસાદ પડ્યો હોવાથી ખેડુતોના ઉભા પાકને નુકસાન પહોંચ્યુ છે.પોરબંદરના બરડા વિસ્તારમાં આશરે અઢી ઈંચ આફતી વરસાદ ખાબક્યો હતો. જેથી ખેડુતોના ઉભા પાકમાં પાણી ભરાઈ જવા પામ્યુ છે.આ કમોસમી વરસાદથી અહીંના ખેડુતોના ધાણા, જીરું,ચણા, અને ઘઉં જેવા પાકને મોટા પ્રમાણમાં નુકસાન થયુ છે. 

નુકસાનનો અંદાજ કાઢવા સર્વે થશે: કૃષિ મંત્રી
રાજ્યભરમાં છેલ્લા એક જ મહિનામાં ત્રીજી વખત કમોસમી વરસાદનો માહોલ જોવા મળી રહ્યો છે.જામનગર જિલ્લા સહિત સૌરાષ્ટ્રના અનેક જિલ્લાઓમાં ગઈકાલથી જ વરસાદ વરસી રહ્યો છે.માવઠાને કારણે શિયાળુ પાકને નુકસાન થઇ રહ્યું છે.ત્યારે કૃષિ મંત્રી રાઘવજી પટેલનું સૂચક નિવેદન સામે આવ્યું છે.કૃષિ મંત્રીએ માવઠાને કારણે થયેલ નુકસાનનો અંદાજ કાઢવા માટે રાજ્ય ખેતીવાડી વિભાગને આદેશ આપી દીધો છે.તથા ખેતીવાડી વિભાગના રિપોર્ટ બાદ યોગ્ય કાર્યવાહી કરવાની કૃષિમંત્રી દ્વારા બાંહેધરી આપવામાં આવી છે

રાજ્યમાં 2 દિવસ રહેશે કમોસમી વરસાદ: હવામાન વિભાગ
કમોસમી વરસાદને લઇ હવામાન વિભાગે આગાહી કરી છે. જેમાં આગામી બે દિવસ રાજ્યમાં કમોસમી વરસાદ રહેશે. આજે સૌરાષ્ટ્ર અને કચ્છમાં કમોસમી વરસાદની આગાહી કરાઇ છે. અને આવતીકાલે ઉત્તર ગુજરાતના વિસ્તારમાં કમોસમી વરસાદ રહેશે. બનાસકાંઠા, સાબરકાંઠા, અરવલ્લી, મોડાસામાં વરસાદ આગાહી કરાઇ છે. જ્યારે અમદાવાદ, ગાંધીનગર, વડોદરા સહિતમાં ઠંડી વધશે. રાજ્યમાં લઘુત્તમ તાપમાન 3 થી 5 ડિગ્રી ઘટવાની શક્યતા છે. હવામાન વિભાગની આગાહી મુજબ બે દિવસ કેટલાક વિસ્તારમાં વાદળછાયું વાતાવરણ રહેશે.