હવામાન વિભાગે આજે પણ રાજ્યમાં વરસાદની આગાહી કરી છે. રાજ્યના અનેક વિસ્તારમાં ચોમાસાનું આગમન પણ થઈ ચૂક્યું છે. ત્યારે હવામાન વિભાગે આગાહી કરી છે કે ભાવનગર, અમરેલી, ગીર સોમનાથ, રાજકોટમાં વરસાદ પડી શકે છે.
હવામાન વિભાગે એવી પણ આગાહી કરી છે કે સામાન્યથી મધ્યમ વરસાદ પડી શકે છે. ઉલ્લેખનીય છે કે, બે દિવસથી રાજ્યના અનેક વિસ્તારોમાં વરસાદ શરૂ થયો છે. અનેક વિસ્તારમાં વરસાદ પડતા લોકો પણ ગરમીથી રાહત અનુભવી રહ્યા છે.
દક્ષિણ અને મધ્ય ગુજરાતમાં વરસાદની ધમાકેદાર એન્ટ્રી થઈ છે. તો સૌરાષ્ટ્ર અને ઉત્તર ગુજરાતના કેટલાક વિસ્તારોમાં પણ વરસાદી માહોલ સર્જાયો છે. રાજ્યના કુલ 77 તાલુકામાં વ્યારક વરસાદ થયો છે.
અમદાવાદના પૂર્વ વિસ્તારમાં વરસાદ વરસી રહ્યો છે. જ્યારે આ તરફ સુરતમાં ધોધમાર વરસાદ વરસ્યો છે. જેના કારણે સુરતમાં પાણી પાણી થઈ ગયું છે. જ્યારે વડોદરાના કેટલાક વિસ્તારમાં ધીમીધારે તો કેટલાક વિસ્તારોમાં પવન સાથે વરસાદ વરસી રહ્યો છે. તો વરસાદી માહોલના કારણે ખેડૂતોમાં પણ ખુશીનો માહોલ છવાઈ ગયો છે.