વરસાદી મોસમ / રાજ્યના 222 તાલુકામાં મેઘ મહેર, બોરસદમાં સૌથી વધુ 14 ઈંચ, જુઓ તમારા વિસ્તારમાં કેટલો

સૌરાષ્ટ્ર અને દક્ષિણ ગુજરાત બાદ હવે મધ્ય ગુજરાતમાં વરસાદે તોફાની બેટીંગ કરી છે. આજે સવારે 6 વાગ્યાથી સાંજે 6 વાગ્યા સુધીમાં 222 તાલુકાઓમાં વરસાદ નોંધાયો છે. જેમાં સૌથી વધુ આણંદના બોરસદમાં 14 ઈંચ વરસાદ ખાબક્યો છે. જ્યારે નર્મદાના તિલકવાડામાં 8.5 ઈંચ વરસાદ નોંધાયો છે.

પાદરામાં 8-8 ઈંચ વરસાદ

વડોદરા તાલુકા અને પાદરામાં 8-8 ઈંચ વરસાદ વરસ્યો છે. ભરૂચ તાલુકામાં 7.40 ઈંચ તો છોટાઉદેપુરના નસવાડીમાં 6 ઈંચ ખાબક્યો છે. નાંદોદમાં 5.80 ઈંચ તો ઝઘડીયા અને શિનોરમાં 5.40 ઈંચ જ્યારે ભરૂચના અંકલેશ્વરમાં 5.30 ઈંચ તો હાંસોટમાં 5.20 ઈંચ વરસાદ વરસ્યો છે.

આ પણ વાંચો: સૌરાષ્ટ્ર-કચ્છ બાદ હવે મધ્ય ગુજરાતમાં મેઘરાજાની ધડબડાટી, બોરસદમાં 12 ઈંચ વરસાદથી તારાજી

સંખેડા અને મહુવામાં 4.5 ઈંચ વરસાદ

છોટાઉદેપુરના સંખેડામાં 4.5 ઈંચ, સુરતના મહુવામાં 4.5 ઈંચ, ભરૂચના વાગરામાં 4.5, ડભોઈમાં 4.20 ઈંચ તેમજ સુરતના માંગરોળમાં 4.20 ઈંચ તેમજ કરજણમાં 4.20 ઈંચ વરસાદ વરસ્યો છે. પંચમહાલના હાલોલમાં 4.10 ઈંચ, ખંભાત અને પલસાણામાં 4 ઈંચ વરસાદ વરસ્યો છે. આણંદના આંકલાવમાં 3.80 ઈંચ તેમજ આણંદના તારાપુરમાં 3.70 ઈંચ વરસાદ વરસ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ