હવામાન વિભાગ / ગુજરાતમાં વરસાદની આગાહી વચ્ચે છેલ્લા 24 કલાકમાં 64 તાલુકામાં મેઘમહેર

• હવામાન વિભાગ દ્વારા ગુજરાતમાં વરસાદની આગાહી
• બંગાળની ખાડીમાં લો પ્રેશર સક્રિયે
• રાજ્યમાં છેલ્લા 24 કલાકમાં 64 તાલુકામાં વરસાદ

ગુજરાત રાજ્યમાં વરસાદની આગાહી 

ગુજરાતમાં વરસાદના લઇને હવામાન વિભાગે આગાહી કરી છે. બંગાળની ખાડીમાં લો પ્રેશર સક્રિય થયું છે. જેને કારણે મધ્ય ગુજરાતમાં મધ્યમ વરસાદની આગાહી કરવામાં આવી છે. અમદાવાદ, ગાંધીનગરમાં મધ્યમ વરસાદ થઇ શકે છે. આવતીકાલે સૌરાષ્ટ્ર, દક્ષિણ ગુજરાતમાં વરસાદની આગાહી કરવામાં આવી છે.

રાજ્યમાં છેલ્લા 24 કલાકમાં 64 તાલુકામાં વરસાદ

ગુજરાતમાં વરસાદની આગાહી વચ્ચે ગઇકાલે સૌરાષ્ટ્ર-કચ્છમાં મેઘમહેર જોવા મળી. જેમાં સૌથી વધારે કલ્યાણપુરમાં 6.5 ઇંચ વરસાદ નોંધાયો છે. જ્યારે માંડવીમાં 5 ઈંચ, પોરબંદરમાં સાડા 4 ઈંચ વરસાદ, દ્વારકામાં 3 ઈંચ, ખંભાળિયામાં 3 ઈંચ વરસાદ, કેશોદમાં પોણા ત્રણ ઈંચ, રાણાવાવમાં સવા 2 ઈંચ વરસાદ પડ્યો છે. 

આ સાથે નખત્રાણામાં 2 ઈંચ, કુતિયાણામાં 2 ઈંચ, જૂનાગઢમાં 2 ઈંચ, મુંદ્રામાં પોણા 2 ઈંચ, ભાણવડમાં પોણા 2 ઈંચ, માણાવદરમાં પોણા 2 ઈંચ, વેરાવળમાં 1.5 ઈંચ, સુત્રાપાડામાં 1.5 ઈંચ, બગસરામાં સવા ઈંચ, કોડીનારમાં સવા ઈંચ, ઉપલેટામાં 1 ઈંચ, જામજોધપુરમાં 1 ઈંચ, વંથલીમાં 1 ઈંચ, ધોરાજીમાં 1 ઈંચ વરસાદ નોંધાયો છે.