રાજ્યમાં પડેલા મુશળધાર વરસાદના પગલે સિઝનનો 109 ટકા વરસાદ નોંધાયો છે. જેના કારણે રાજ્યમાં વરસાદનો તમામ રેકોર્ડ તૂટી ગયો છે. રાજ્યમાં સાર્વત્રિક વરસાદ વરસી રહ્યો છે. જેમાં સૌરાષ્ટ્ર, કચ્છ સહિત મધ્ય અને દક્ષિણ ગુજરાતમાં અનારાધાર વરસાદ પડ્યો છે. જેને લઇને રાજ્યમાં પાણીની વિકટ પરિસ્થિતમાં રાહત જોવા મળી છે.
આ વર્ષે રાજ્યમાં વરસાદનો તમામ રેકોર્ડ તૂટી ગયો છે. ગુજરાતમાં સિઝનનો 109 ટકા વરસાદ પડ્યો છે. જ્યારે સરેરાશ 36 ઇંચ વરસાદ નોંધાયો છે. સૌથી વધુ વલસાડના કપરાડામાં 148 ઇંચ વરસાદ પડ્યો છે.
જ્યારે વાપીમાં 120 ઇંચ વરસાદ નોંધાયો છે. ડાંગના વઘઇમાં 108 ઇંચ, ધરમપુરમાં 100 ઇંચ વરસાદ પડ્યો છે. બીજી બાજુ સુરતના માંગરોળમાં 96 ઇંચ, પારડીમાં 90 ઈંચ વરસાદ નોંધાયો છે. નવસારીના વાસદામાં 88 ઈંચ, ખેરગામમાં 84 ઈંચ અને ચિખલીમાં 80 ઈંચ વરસાદ નોંધાયો છે.
ડાંગના આહવામાં 80 ઈંચ વરસાદ પડ્યો છે. રાજ્યના 63 તાલુકામાં 40થી 148 ઈંચ સુધી વરસાદ જ્યારે અન્ય કેટલાક તાલુકામાં 30થી 75 ઈંચ વરસાદ નોંધાયો છે. જ્યારે ગુજરાતના 150 તાલુકામાં 25થી 40 ઈંચ અને 38 તાલુકામાં જ 15 ઈંચથી ઓછો વરસાદ નોંધાયો છે.
ઓગસ્ટ મહિનામાં રાજ્યમાં સરેરાશ 18 ઇંચ વરસાદ પડ્યો છે. ત્યારે ભારે વરસાદથી ગુજરાતમાં પાણીની સમસ્યાનો અંત આવ્યો છે.
ગઇકાલે રાત્રિ દરમિયાન રાજ્યના અનેક જિલ્લાઓમાં મેઘમહેર જોવા મળી છે. જેમાં અમદાવાદ, રાજકોટ, સુરત, વડોદરા સહિત અનેક શહેરોમાં રાત્રિ દરમિયાન વરસાદ વરસ્યો છે. જેને લઇને વાતાવરણમાં ઠંડક પ્રસરી છે.