ગુજરાતમાં હાલ છેલ્લા ત્રણ દિવસથી સતત કમોસમી વરસાદ વરસી રહ્યો છે. ત્યારે આજે વહેલી સવારથી અમદાવાદ સહિત અનેક જિલ્લાઓમાં ધુમ્મસની ચાદર પથરાયેલી જોવા મળી છે. ધુમ્મસના કારણે વિઝિબિલટીમાં ઘટાડો થતા વાહનચાલકોને પરેશાનીનો સામનો કરવો પડી રહ્યો છે.
અમદાવાદે ઓઢી ધુમ્મસની ચાદર
બનાસકાંઠામાં વહેલી સવારથી જ ધુમ્મસ
નર્મદા જિલ્લામાં ધુમ્મસભર્યું વાતાવરણ
ગુજરાતમાં હાલ છેલ્લા ત્રણ દિવસથી કમોસી વરસાદ વરસી રહ્યો છે. ત્યારે એકતરફ કમોસમી વરસાદી માવઠાઓ જગતના તાતની ચિંતામાં વધારો કરી દીધો છે. ત્યારે બીજી તરફ કમોસમી વરસાદના પગલે રાજ્યભરમાં ધુમ્મસભર્યું વાતાવરણ જોવા મળી રહ્યું છે. આજે વહેલી સવારે ધુમ્મસની ચાદર પથરાતા વિઝિબિલિટીમાં ઘટાડો થતાં વાહનચાલકો પરેશાન થયા છે.
અમદાવાદે ઓઢી ધુમ્મસની ચાદર
અમદાવાદમાં પડેલા કમોસમી વરસાદ બાદ આજે સવારે ગાઢ ધુમ્મસના કારણે વિઝિબિલિટી ઓછી થઇ ગઇ હતી. ગઇકાલે મોડી રાતથી જ ધુમ્મસનું પ્રમાણ વધ્યું હતું. ધુમ્મસને કારણે ઝીરો વિજિબિલિટી થતાં વાહન ચાલકોને મુશ્કેલી પડી રહી છે.
બનાસકાંઠામાં વહેલી સવારથી જ ધુમ્મસ
બનાસકાંઠામાં હવામાન વિભાગે કરી આગાહી મુજબ છેલ્લા ત્રણ દિવસથી વરસાદી માહોલ જોવા મળી રહ્યું છે. આજે વહેલી સવારથી ધુમ્મસના કારણે વાતાવરણ ધૂંધળું જોવા મળ્યું છે. ત્યારે ભરશિયાળે ચોમાસા જેવા માહોલ જોવા મળ્યો છે. વાતાવરણમાં પલટો થતાં જીરુ વાવનારા ખેડૂતોની ચિંતામાં વધારો થયો છે.
નર્મદા જિલ્લામાં ધુમ્મસભર્યું વાતાવરણ
ગુજરાતમાં પડી રહેલી કમોસમી વરસાદના પગલે નર્મદા જિલ્લામાં પણ વહેલી સવારથી વાતાવરણમાં પલટો જોવા મળ્યો છે. નર્મદા જિલ્લામાં વહેલી સવારે ગાઢ ધુમ્મસની ચાદર પથરાયેલી જોવા મળી. કમોસમી વરસાદના પગલે જિલ્લામાં ચોતરફ શીતલહેર પ્રસરી ગઇ છે અને તાપમાનનો પારો નીચે ગગડ્યો છે.
યાત્રાધામ શામળાજીમાં ધુમ્મસ ભર્યું વાતાવરણ
અરવલ્લી જિલ્લાના વાતાવરણમાં પણ આજે વહેલી સવારે પલટો આવ્યો છે. જેમાં યાત્રાધામ શામળાજીમાં ધુમ્મસભર્યું વાતાવરણ જોવા મળ્યું. ધુમ્મસવાળા વાતાવરણને કારણે વિઝિબિલિટી ઘટી જતા વાહનચાલકો પરેશાન જોવા મળ્યા. વાહનચાલકો વાહનની હેડ લાઇટ ચાલુ રાખવા મજબુર બન્યા હતા. જો કે જિલ્લામાં કમોસમી વરસાદના પગલે વાતાવરણ ઠંડુ બનતા ઠંડીનો ચમકારો પણ વધ્યો છે.