રાજ્યભરમાં કમોસમી વરસાદને લઇ હવામાન વિભાગનુ વેધર બુલેટીન જાહેર કર્યું, અનેક જિલ્લામાં વરસાદી કમઠાણ, હજુ 2 દિવસ ભારે
ગુજરાતમાં કમોસમી વરસાદનું સંકટ
ખેડૂતો ચિંતામાં મુકાયા
રવિ પાકને વ્યાપક નુકસાનો ભય
રાજ્યમાં કમોસમી વરસાદે મુશ્કેલી વધારી છે. ગીરસોમનાથ અને દ્વારકા જિલ્લામાં કમોસમી વરસાદથી ખેડૂતો ચિંતામાં મુકાયા છે. ગ્રામ્ય વિસ્તારોમાં ધીમીધારે સતત કમોસમી વરસાદ થયો છે. કોડીનાર શહેર અને આસપાસના વિસ્તારોમાં કમોસમી છાંટાથી ખેડૂતો ચિંતામાં મુકાયા છે. તો આ તરફ દ્વારકાના ખંભાળિયા પંથકમાં કમોસમી વરસાદ યથાવત છે. આ કમોસમી વરસાદથી રવિ પાકને વ્યાપક નુકસાન થવાનો ભય છે. યાત્રાધામ દ્વારકામાં પણ વહેલી સવારથી ઝરમર વરસાદ થઇ રહ્યો છે.
સાબરકાંઠા, અરવલ્લી અને હિંમતનગરમાં પણ માવઠું
રાજ્યમાં કમોસમી વરસાદે મુશ્કેલી વધારી છે. સાબરકાંઠા, અરવલ્લી અને હિંમતનગર જિલ્લાના વાતાવરણમાં પલટો જોવા મળ્યો છે. હિંમતનગર તાલુકામાં વરસાદી ઝાપટા પડ્યા છે. આ કમોસમી વરસાદથી રવિ પાકમાં નુકસાન થવાની ભય છે. ઘઉં, બટાકા, ચણા, જીરુ સહિતના પાકોને નુકસાન થવાની ભય. ખેડૂતોમાં ચિંતાનો માહોલ છે. સાબરકાંઠા જિલ્લાના વાતાવરણમાં પલટો આવ્યો છે. અને ઇડર, વડાલી, ખેડબ્રહ્મા માં વરસાદ થયો છે. અને પાકમાં નુકસાનની ભીતિ છે. તો આ તરફ મોડાસા, શામળાજી, ભિલોડા, માલપુર વિસ્તારોમાં ઝરમર વરસાદ થયો છે. તેમજ હિંમતનગર ગ્રામ્ય વિસ્તારોમાં વરસાદ થયો છે.
સૌરાષ્ટ્ર,અમદાવાદ, મહેસાણા, ગાંધીનગરમાં પણ વરસાદી ઝાપટા
હવામાન વિભાગે રાજ્યમાં વરસાદની આગાહી કરી છે. આ આગાહી મુજબ અમદાવાદ, ગાંધીનગર, મહાસાણાના વાતવરણમાં પલ્ટો આવ્યો છે. અમદાવાદમાં ભરશિયાળે વરસાદી માહોલ જોવા મળ્યો હતો. તો આ તરફ અમદાવાદના પૂર્વ, પશ્ચિમ અને મધ્ય વિસ્તારમાં સવારથી સતત વરસાદ થયો હતો. તો પાટનગરના સરગાસણ, મહાત્મા મંદિર અને આસપાસના વિસ્તારમાં વરસાદ પડ્યો હતો. તો આ તરફ મહેસણામાં જિલ્લાના વાતાવરણમાં પલટો જોવા મળ્યો હતો. ખેરાલુ વિસ્તારમાં વહેલી સવારથી ઝરમર વરસાદ થયો હતો. તો વડનગર તાલુકામાં પણ સામાન્ય વરસાદ થયો હતો. આ ઉપરાંત ઉત્તર ગુજરાત, સૌરાષ્ટ્ર, કચ્છ સહીતના વિસ્તારોમાં માવઠાની અસર જોવા મળી છે. રાજ્યમાં ફરીથી ઠંડીનુ મોઝુ ફરી વળવાની સંભાવના છે.
રાજ્યમાં ત્રણ દિવસ સુધી રહેશે વરસાદી માહોલ : હવામાન વિભાગ
રાજ્યભરમાં કમોસમી વરસાદને લઇ હવામાન વિભાગનુ વેધર બુલેટીન જાહેર કર્યું છે. જેમાં રાજ્યમાં આગામી ત્રણ દિવસોમાં વરસાદી માહોલ યથાવત રહેતા ખેડૂતોને સતર્ક કરવામાં આવ્યાં છે. હવામાન વિભાગની આગાહી અનુસાર 6 જાન્યુઆરી એટલે કે, આજે અમદાવાદ,ગાંધીનગર,વડોદરા, બનાસકાંઠા,સાબરકાંઠા,દીવ-દમણ, કચ્છ મોરબી અમરેલી જામનગર રાજકોટ સહિતના જિલ્લાઓમાં આજે વરસાદી માહોલ રહેશે. જ્યારે 7 જાન્યુઆરી એટલે કે, આવતી કાલે અમરેલી,જામનગર,દ્વારકા , પોરબંદર, ગીરસોમનાથ, કચ્છ,દીવમાં વરસાદી માહોલ રહેશે. તેમજ 8મી જાન્યુઆરીએ ઉત્તર ગુજરાતના મહેસાણા, દાહોદ,પંચમહાલ,અરવલ્લીમાં વરસાદી માહોલ રહેવાની સંભાવના વ્યક્ત કરવામાં આવી છે.