રાજ્યમાં ભર શિયાળે કેટલાક જિલ્લાઓમાં કમોસમી વરસાદ વરસ્યો છે. દ્વારકા, જામનગર, કત્થમાં પવન સાથે વરસાદ વરસ્યો છે. ભુજ, માધાપર સહિતના વિસ્તારોમાં વરસાદ વરસ્યો છે. બનાસકાંઠા જિલ્લામાં પણ વાતાવરણમાં પલટો જોવા મળ્યો છે.
રાજ્યમાં ભરશિયાળે કેટલાક જિલ્લાઓમાં સામાન્ય વરસાદ
કચ્છમાં પણ પવન સાથે કમોસમી વરસાદ
13 જાન્યુઆરીએ રાજ્યમાં સામાન્ય વરસાદની કરાઈ હતી આગાહી
કમોસમી વરસાદ થથા ખેડૂતોમાં ચિંતા જોવા મળી છે. આજે રાજ્યમાં સામાન્ય વરસાદની હવામાન વિભાગે આગાહી કરી હતી. ત્યારે હવે વરસાદ થતા ઘઉં, બટાટા, રાયડો, જીરું, રાજગરાના પાકને નુકસાનની ભીતિ સેવાઈ રહી છે.
ઉલ્લેખનીય છે કે રાજ્યમાં છેલ્લા ત્રણ દિવસની સરખામણીએ ઠંડીમાં ઘટાડો જોવા મળ્યો હતો. સાયક્લોનિક સર્ક્યુલેશન શરૂ થતાં ઠંડીમાં ઘટાડો જોવા મળ્યો. જો કે ઉત્તરાયણ બાદ કાતિલ ઠંડીનો વધુ એક રાઉન્ડની શક્યતા જોવા મળશે. હવામાન વિભાગ અનુસાર આગામી 48 કલાકમાં ઠંડીનો વધારો થવાની શક્યતા નહિંવત છે.
જો કે આજરોજ વહેલી સવારે અમદાવાદના વાતાવરણમાં અચાનક પલટો જોવા મળ્યો હતો. વહેલી સવારે શહેરમાં ધુમ્મસભર્યું વાતાવરણ જોવા મળ્યું હતું. વિઝીબલિટી ડાઉન થતાં વાહનચાલકોને મુશ્કેલી પડી હતી.
અમરેલી જિલ્લાના રાજુલા પંથકમાં ધુમ્મસ ભર્યું વાતાવરણ છવાયું છે. આજે વહેલી સવારથી સમગ્ર વિસ્તારમાં ધુમ્મસ ભરૂ વાતાવરણ છવાઈ જતા વાહનચાલકો પરેસાન થઈ રહ્યાં છે. રોડ પરથી પસાર થતી વખતે વાહન ચાલકો લાઈટ ચાલુ રાખીને પસાર થઈ રહ્યાં છે.