અમરેલી / VIDEO: ભારે વરસાદ વચ્ચે GSRTC બસ પાણીમાં ફસાઈ, મુસાફરોના જીવ તાળવે ચોંટ્યાં, જુઓ પછી શું થયું ?

Amreli Bus Video : ગુજરાતમાં વરસાદની એન્ટ્રીથી જ્યાં જુઓ ત્યાં પાણી જ જોવા મળ્યું છે. વિગતો મુજબ સૌરાષ્ટ્ર અને દક્ષિણ ગુજરાતમાં ભારે વરસાદની સ્થિતિ બની છે. દેશના ઘણા રાજ્યોમાં ભારે વરસાદ પડી રહ્યો છે. આવી સ્થિતિમાં આવા ઘણા વીડિયો પણ સામે આવી રહ્યા છે. જેમાં લોકો વરસાદના પાણીમાં ફસાયા છે. ગુજરાતના અમરેલી જિલ્લામાંથી આવો જ એક વીડિયો સામે આવ્યો છે. જ્યાં એક બસ પાણીમાં ફસાઈ ગઈ. લીલીયા તાલુકાના ભોરીગડા ગામમાં એક એસટી બસ પાણીથી ભરેલા ડાયવર્ઝન રોડમાં ફસાઈ જતાં મોટી દુર્ઘટના ટળી ગઈ.

પ્રાથમિક વિગતો મુજબ આ બસ અમરેલીથી ગારિયાધાર જઈ રહી હતી. રસ્તામાં ભોરીગડા ગામ પાસે પુલ બનાવવાનું કામ ચાલી રહ્યું હતું, જેના કારણે વહીવટીતંત્ર દ્વારા વાહનોને વૈકલ્પિક રૂટ દ્વારા મોકલવામાં આવી રહ્યા હતા. ભારે વરસાદને કારણે આ ડાયવર્ઝન રૂટ પર પાણી ભરાઈ ગયું અને બસ ત્યાં ફસાઈ ગઈ. જે વીડિયો સામે આવ્યો છે તેમાં જોઈ શકાય છે કે બસ સંપૂર્ણપણે પાણીમાં ફસાઈ ગઈ છે. સદનસીબે બસમાં સવાર તમામ 20 મુસાફરોને સુરક્ષિત રીતે બહાર કાઢવામાં આવ્યા હતા.

ઘટનાની માહિતી મળતા જ વહીવટીતંત્ર અને સ્થાનિક લોકો તાત્કાલિક ઘટનાસ્થળે પહોંચી ગયા. વિલંબ કર્યા વિના રાહત અને બચાવ કાર્ય શરૂ કરવામાં આવ્યું અને તમામ મુસાફરોને સુરક્ષિત રીતે બહાર કાઢવામાં આવ્યા. વહીવટીતંત્રની આ તત્પરતાને કારણે મોટી દુર્ઘટના ટળી ગઈ.

આ પણ વાંચો : પ્લેન ક્રેશ વચ્ચે અમદાવાદીઓ પર મંડરાયો વધુ એક ખતરો, સરકારે ઉઠાવ્યું ચોંકાવનારું પગલું

સ્થાનિક નાગરિકોએ જણાવ્યું હતું કે, આ ડાયવર્ઝન રૂટની હાલત પહેલાથી જ ખરાબ હતી અને વરસાદ દરમિયાન આ રૂટનો ઉપયોગ કરવો જોખમી સાબિત થઈ શકે છે. લોકોએ વહીવટીતંત્ર પાસે માંગ કરી છે કે જ્યાં સુધી પુલનું બાંધકામ પૂર્ણ ન થાય ત્યાં સુધી સલામત અને કાયમી વૈકલ્પિક રૂટની વ્યવસ્થા કરવામાં આવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ