ગુજરાતમાં એક તરફ કોરોના બેકાબૂ જોવા મળી રહ્યો છે, ત્યારે રાજ્યમાં સ્થાનિક સ્વરાજની ચૂંટણીને લઇને તૈયારીઓ શરુ થઇ ગઇ છે ત્યારે હાલ રાજ્યમાં બે દિવસ કમોસમી વરસાદની આગાહીના પગલે અનેક જિલ્લાઓમાં વરસાદ વરસતા ખેડૂતોની ચિંતામાં વધારો કર્યો છે. એક બાજુ કમોસમી માવઠાના પગલે ખેતરના પાકમાં નુકસાનીની ભીતિ જોવા મળી રહી છે ત્યારે બીજી તરફ તંત્રની બેદરકારીના પગલે સરકારી ગોડાઉનમાં રાખેલ મગફળી અને કપાસ પલળી જતાં ખેડૂતોને પડયા પર પાટા જેવી સ્થિતિનું નિર્માણ થયું છે.
હવામાન વિભાગની આગાહીના પગલે રાજ્યના મોટાભાગના વિસ્તારોમાં કમોસમી વરસાદી માવઠું પડેલું જોવા મળ્યું છે. જેના પગલે જગતના તાતની ચિંતામાં વધારો જોવા મળ્યો છે. એક તરફ કમોસમી વરસાદથી ખેડૂતોના ઊભા પાકને નુકસાનની શક્યતા છે ત્યારે સરકારી ગોડાઉનમાં ટેકાના ભાવે ખરીદેલ મગફળી અને કપાસ પલળી જતા ખેડૂતોની ચિંતમાં વધારો થયો છે.
રાજકોટ જિલ્લાના કેટલાક વિસ્તારોમાં કમોસમી વરસાદ વરસી રહ્યો છે. કમોસમી વરસાદથી ખેડૂતોને પડ્યા પર પાટુ જેવી સ્થિતિનું નિર્માણ થઇ છે. શહેરના બેડી માર્કેટિંગ યાર્ડમાં કમોસમી વરસાદના પગલે 1 લાખ ગુણી મગફળી પલળી ગઇ હોવાનું સામે આવ્યું છે.
અરવલ્લીમાં કમોસમી વરસાદના કારણે મગફળી પલળી
અરવલ્લીમાં કમોસમી વરસાદના પગલે સરકારી ગોડાઉનમાં રાખેલી ટેકાના ભાવે ખરીદેલી મગફળી પલળી ગઇ છે. જિલ્લાના બાયડ-માલપુરના સરકારી ગોડાઉમાં મગફળી ભરેલા કેટાલય બારદાન પલળી ગયા જોવા મળ્યાં. હવામાન વિભાગની આગાહી હોવા છતા તંત્ર દ્વારા કોઇ કામગીરી ન કરવાન લઇને અનેક સવાલો ઉઠી રહ્યાં છે.
ધોરાજીમાં કમોસમી વરસાદથી હજારો મણ કપાસ પલળ્યો
રાજ્યમાં હાલ કેટલાક જિલ્લામાં કમોસમી વરસાદ વરસી રહ્યો છે. ત્યારે કમોસમી વરસાદના પગલે માર્કેટિંગ યાર્ડમાં રાખલો કપાસ પલળી ગયેલો જોવા મળ્યો. કમોસમી વરસાદના પગલે હજારો મણ કપાસ પલળી જતા ખેડૂતો ચિંતિત જોવા મળ્યાં છે. જો કે ખેડૂતો દ્વારા આક્ષેપ કરવામાં આવ્યા છે કે વરસાદની આગાહી હોવા છતા હરાજી શરુ રાખવામાં આવી હતી.