ગુજરાતમાં આગામી 24 કલાક ભારે વરસાદને લઇને હવામાન વિભાગે આગાહી કરી છે. આમ રાજ્યમાં વરસાદને લઇને કરવામાં આવેલી આગાહી વચ્ચે છેલ્લા 24 કલાકમાં 61 તાલુકામાં વરસાદ વરસ્યો છે. જેમાં સૌથી વધુ રાજકોટના ગોંડલમાં 4 ઇંચ વરસાદ નોંધાયો છે. જ્યારે સોનગઢ અને આહવામાં 2 ઇંચ વરસાદ પડયો છે.
રાજ્યમાં છેલ્લા 24 કલાકમાં 61 તાલુકામાં વરસાદ
સૌથી વધુ ગોંડલમાં 4 ઈંચ વરસાદ નોંધાયો
સોનગઢ, આહવામાં 2-2 ઈંચ વરસાદ નોંધાયો
ગુજરાતમાં ભારે વરસાદની આગાહી વચ્ચે રાજ્યમાં છેલ્લા 24 કલાકમાં 61 તાલુકામાં વરસાદ વરસ્યો છે. સૌથી વધુ ગોંડલમાં 4 ઈંચ વરસાદ ખાબક્યો છે. સોનગઢમાં 2 ઈંચ, આહવામાં 2 ઈંચ, કુકરમુંડામાં દોઢ ઈંચ, માણાવદરમાં સવા ઈંચ વરસાદ નોંધાયો છે.
આમ રાજ્યમાં ભારે ઉકળાટ બાદ મેઘમહેર થતાં વાતાવરણમાં ઠંડક પ્રસરતા લોકોએ રાહત અનુભવી હતી. જ્યારે જગતના તાત એવા ખેડુતોમાં વરસાદી માહોલ જોવા મળતાં ખુશીની લહેર જોવા મળી છે.