ટ્રેનમાં અસામાજિક તત્વો દ્વારા મુસાફરોને હેરાનગતિ કરવાના અનેક મામલાઓ સામે આવે છે. ત્યારે આવી ઘટનાઓ પર કાબૂ મેળવવા માટે રેલવે પોલીસે એક રેલ GRP એપ લોન્ચ કરી છે.
રેલવે પોલીસે મોબાઇલ એપ લોન્ચ કરી
ટ્રેનમાં મુસાફરોને મળશે સુરક્ષા
મુસાફર તુરંત કરી શકશે ફરિયાદ
આરોપીના ડેટા પણ એપમાં ઉમેરાશે
ગૃહમંત્રી અને પોલીસ કમિશ્નરની હાજરીમાં આ મોબાઇલ એપ લોન્ચ કરાઇ છે. આ એપથી ટ્રેનમાં લૂંટ,ચોરી, અપહરણ, છેડતી સહીતની ઘટનામાં મદદરૂપ થશે.
એપમાં મળેલી ફરિયાદથી પોલીસ તાત્કાલીક એક્શન લેશે
એપ્લિકેશનમાં પબ્લિક અને પોલીસ એપનો સમાવેશ. જેની મદદથી ફરિયાદી તાત્કાલીક ફરિયાદ નોંધાવી શકશે. શંકાસ્પદ વ્યક્તી અથવા ઘટનાને લઇ એપમાં ફરિયાદ કરી શકાશે. અને એપમાં મળેલી ફરિયાદથી પોલીસ તાત્કાલીક એક્શન લેશે.
ગુનાહિત રેકોર્ડ ધરાવતા આરોપીઓના ડેટા પણ એપમાં ઉમેરાશે
આ એપમાં ફરજ પર હાજર તમામ પોલીસની વિગતો ઉપલબ્ધ કરાશે. અને ગુનાહિત રેકોર્ડ ધરાવતા આરોપીઓના ડેટા પણ એપમાં ઉમેરાશે.