ગાંધીનગર / રાજ્ય વેરા નિરીક્ષક સહિત GPSCએ આ પદો માટે ભરતી કરી જાહેર, જાણો ક્યારે કરી શકાશે અરજી

ગુજરાત જાહેર સેવા આયોગ (GPSC) એ જુદી-જુદી પોસ્ટ પર ભરતી બહાર પાડી છે. GPSCએ 450 જગ્યાઓ પર ભરતી કરવા માટે નોટિફિકેશન બહાર પાડ્યું છે. STI (State Tax Inspector) ની ભરતીની લાંબા સમયથી રાહ જોવાઈ રહી હતી, ત્યારે એમાં પણ 300 પોસ્ટ પર ભરતીની જાહેરાત કરવામાં આવી છે. આ સિવાય નાયબ બાગાયત નિયામક ક્લાસ - 1, જુનિયર ટાઉન પ્લાનર, આસીસ્ટન્ટ મેનેજર ક્લાસ - 3 સહિતની વિવિધ પોસ્ટ પર ભરતી બહાર પાડવામાં આવી છે.

કુલ 18 પોસ્ટ પર 450 ખાલી જગ્યાઓ ભરવા માટે ગુજરાત જાહેર સેવા આયોગ (GPSC) દ્વારા ઉમેદવારો પાસેથી અરજીઓ મંગાવવામાં આવી છે. આવતી કાલ 12 ઓગસ્ટથી અરજી કરી શકાશે, જયારે 31 ઓગસ્ટ અરજી કરવા માટેની છેલ્લી તારીખ છે. આ જગ્યાઓ પર ભરતી માટે ઓનલાઈન એપ્લિકેશન કરી શકાય છે.

આ પણ વાંચો: શિષ્યવૃતિના નિયમોમાં ફેરફાર અંગે શિક્ષણમંત્રીનો મોટો ખુલાસો, વાલીઓને થયો હાશકારો

એપ્લિકેશન કેવી રીતે કરવી?

• સૌથી પહેલા https://gpsc.gujarat.gov.in/ ની અધિકૃત વેબસાઇટ પર જવું પડશે.
• પછી Latest Updates પર ક્લિક કરો.
• https://gpsc-ojas.gujarat.gov.in/ શોધો.
• પછી જરૂરી વિગતો ભરો, ફોટો અને સહી જેવી વિગતો માંગવામાં આવે, એ ભરો.
• ફોર્મ સબમિટ કરો અને એપ્લિકેશન કરવાની ફી ચૂકવો.
• ત્યારબાદ આગળ જરૂર પડે તો કામ લાગે એ માટે એપ્લિકેશન ફોર્મની પ્રિન્ટ કાઢી લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ