કડક કાયદો! / BIG NEWS: હર્ષ સંઘવીએ રજૂ કર્યું 'ગુજરાત પબ્લિક પ્લેસિસ સેફ્ટી એન્ડ એન્ફોર્સમેન્ટ બિલ', જાણો શું છે જોગવાઈ

• ગુજરાત પબ્લિક પ્લેસીસ સેફ્ટી એન્ડ એંફોર્સમેન્ટ બિલ 2022 રજૂ
• ખાનગી સંસ્થાઓના સીસીટીવી ફૂટેજ 30 દિવસ સાચવી રાખવા પડશે
• ખાનગી સંસ્થાઓએ સીસીટીવી ફૂટેજ 30 દિવસ સાચવી રાખવા પડશે

ગુજરાત વિધાનસભામાં ગુજરાત જાહેર સલામતી (પગલા) અમલીકરણ વિધેયક રજૂ કરાયું છે. આ બિલ રજૂ કરતા ગૃહમંત્રી હર્ષ સંઘવીએ કહ્યું કે, 30 દિવસ સુધી CCTV ફૂટેજ સાચવી રાખવા પડશે. બાગ-બગીચા અને જાહેર સ્થળોના સીસીટીવી ફૂટેજ સાચવવાના રહેશે. 

પબ્લીક સેફ્ટી સમિતિ બનાવવામાં આવશે: હર્ષ સંઘવી
આ વિધેયક અંતર્ગત પબ્લીક સેફ્ટી સમિતિ બનાવવામાં આવશે. આ ઉપરાંત પબ્લીક સેફ્ટી સબ કમિટી બનાવી શકાય છે. આ કમિટી દ્વારા મોનિટરીંગ કરવામાં આવશે. સીસીટીવી કેમેરા લગાવનાર સંસ્થાઓને નોટીસ આપી ખુલાસો માંગી શકાશે.

કમિટીની ભલામણનો અમલ ન કરનારને 10 હજારનો દંડઃ હર્ષ સંઘવી
પબ્લીક સેફ્ટી કમિટીએ કરેલી ભલામણનો નિયત સમય મર્યાદામાં અમલ કરવાનો રહેશે. અમલ ન કરે તો રૂપિયા 10 હજારના દંડની પણ જોગવાઈ કરવામાં આવી છે. 

200 કરતા વધુ લોકોની અવર જવર થતી જગ્યાના એક્સેસ લેવાશેઃ હર્ષ સંઘવી
રાજ્યના જાહેર સ્થળ પર લાગેલા ખાનગી સીસીટીવીનું એક્સેસ પોલીસને મળી રહે તે માટેનું બિલ છે. જાહેર સ્થળો પર લાગેલા ખાનગી માલિકના સીસીટીવીનું રેકોર્ડીંગ ફરજીયાત પોલીસ તંત્રને આપવું પડશે છે. જ્યાં 200 કરતા વધુ લોકોની અવર જવર થતી જગ્યાના એક્સેસ લેવાશે. ખાનગી સંસ્થાઓએ સીસીટીવી ફૂટેજ 30 દિવસ સાચવી રાખવા પડશે. 

આગામી દિવસોમાં સીસીટીવી કેમેરા નેટવર્ક વધારવામાં આવશેઃ હર્ષ સંઘવી
રાજ્યમાં આગામી દિવસોમાં સીસીટીવી કેમેરા નેટવર્ક વધારવામાં આવશે. સરકાર આગામી દિવસોમાં જાહેરમાં સીસીટીવી લગાવશે. બાગ-બગીચા સહિતની જગ્યાએ પણ સીસીટીવી કેમેરા લગાવાશે.