લાંછનરૂપ કિસ્સો / 'કાલે ટી-શર્ટમાં હોટ લાગતી હતી', વધુ એક લંપટ પ્રોફેસરની કાળી કરતૂત વાયરલ, શિક્ષણ મંત્રી એક્શનમાં

જૂનાગઢમાં આવો લંપટ પ્રોફેસરનો કિસ્સો સામે આવ્યો હતો. આ ઘટનામાં ભેસાણની સરકારી વિનયન કોલેજમાં લંપટ પ્રોફેસરે દીકરી સમાન વિદ્યાર્થિની પર પોતાની કુદ્રષ્ટિ નાખી હતી. અને વિદ્યાર્થિનીને બિભત્સ મેસેજ કરીને અઘટિત માગ કરી હતી.

કંટાળેલી વિદ્યાર્થિનીએ કરી ફરિયાદ

જોકે વિદ્યાર્થિનીએ ઈનકાર કરતા લંપટ પ્રોફેસરે ગરિમાના સીમાડા તોડતા ઈન્ટર્નલ માર્ક્સ ઓછા આપવા અને પરીક્ષામાં નપાસ કરવાની ધમકી પણ આપી હતી. ત્યારે અંતે કંટાળેલી વિદ્યાર્થિનીએ સચિન પીઠડીયા નામના પ્રોફેસર સામે પ્રિન્સિપાલને ફરિયાદ કરી હતી. ત્યારે સમગ્ર ઘટનાને લઇ વિદ્યાર્થિનીના ફરિયાદ અને પ્રોફેસર સામે કોલેજે કમિટીની રચના કરી છે. આ ઉપરાંત વિદ્યાર્થીનીએ પોલીસ ફરિયાદ કરી હતી.

આ પણ વાંચો: ક્યાંક વીજ કનેક્શન કપાયા, તો ક્યાંક દબાણો હટાવાયા, ગુજરાતભરમાં કુખ્યાતોના ગેરકાયદે અડ્ડા જમીનદોસ્ત!

સમગ્ર ઘટનાને લઇ પ્રિન્સિપાલે જણાવ્યું હતું કે શુક્રવારે છોકરાઓએ અમે જણાવ્યું હતું કે પરિક્ષામા માર્ક કાપવામાં આવે છે અને હાજરી પૂરવામાં આવતી નથી. આ ઘટનાને લઇ મે બહેનો વુમનસેલમા જવા જણાવ્યું હતું. જેના થકી તેઓ મહિલા સાથે ખુલીને વાત કરી શકે. જે બાદ સમગ્ર ઘટના બહાર આવી હતી. આ બાબતે અમે લોકલ કમિટી બેસાડી છે. જેઓ ઘટનાનો અહેવાલ આપશે તે બાદ પગલાં લેવામાં આવશે. આ ઉપરાંત વિદ્યાર્થીની દ્વારા કરવામાં આવેલ ફરિયાદને સરકારમાં મોકલી આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ